Ўзбекистонда ёшлар 2021 йил 1 майдан буён 14 102 та юқори натижали хорижий тил сертификатини қўлга киритган. Ёшлар ишлари агентлиги ушбу сертификатлар рўйхатини эълон қилди.

Таҳлилларга кўра, ёшлар жами 18 турдаги халқаро имтиҳон тизимларидан 15 турдагиси учун компенсация сўраб ариза қолдирган. Уларнинг энг кўпи инглиз тилини билиш даражасини аниқлайдиган IELTS сертификатларидир. Тартибга кўра, агар 30 ёшгача бўлган шахслар IELTS`да 7 баллдан юқори тўпласа, уларнинг имтиҳон учун қилган тўловлари тўлиқ қайтариб берилади (бундай компенсация талабгорларга фақат бир марта тўланади).

компенсация

Ёшлар ишлари агентлиги 2021 йилдан буён 24,4 млрд сўм имтиҳон харажатлари учун компенсация тўлаб берган.

Имтиҳон топширувчилар ушбу 18 та халқаро имтиҳон тизимида юқори натижага эришган бўлсагина, уларнинг имтиҳон топшириш учун тўлаган пули қайтариб берилади. Ёшлар имтиҳон харажатларини «Хазна» иловаси орқали компенсация қилиб қайтариб олишлари мумкин.