Рамазон ҳайитининг қайси куни нишонланиши охирги бир неча кун давомида ўзбекистонликларни қизиқтирган энг муҳим масалалардан бири бўлди. Зеро кетма-кет 4 кун дам олиш деб эълон қилингани айниқса вилоятлардан келиб Тошкентда яшаётган, таҳсил олаётган ва ишлаётганларни қизиқтираётган эди. Ўзбекистон мусулмонлари идораси 20 апрель куни байрамнинг биринчи куни 21 апрелда нишонланишини эълон қилди.
Шундай қилиб, байрам 22 апрель, шанба кунига тўғри келишини кутган ўзбекистонликлар режаларини қайта кўриб чиқишга мажбур бўлди. Натижада Тошкентда кун давомида катта тирбандликлар кузатила бошлади. Кечқурун Yandex.Xaritalar хизмати маълумотларига кўра, тирбандликлар 10 баллни ташкил этди.
Пайшанба куни куннинг иккинчи ярмида Паркент кўчасидаги ҳолат.
«Газета.uz» мухбири Абдулло Ёдгоров соат 15:00 дан 19:30 гача Тошкентдан чиқишда тирбандликда қолиб кетгани ва охир-оқибат пойтахтга қайтишга қарор қилганини маълум қилди.
«Ипподромга етиб келдим. Сирдарёгача шундай тирбандлик бор, дейишди. Биз бир дақиқа турамиз, икки метр юрамиз ва яна турамиз. Ҳамма байрамлар 22-сана бошланади, деб ўйлаганди», — дейди у.
«Газета.uz»нинг яна бир мухбири Маъмуржон Обраҳматовнинг айтишича, байрам олдидан Тошкентдан вилоятларга йўл олган таксилар нархи аввалги байрамларда ошганидан ҳам кўпроққа ошган. Унинг сўзларига кўра, «Олмазор» метро бекатидаги таксичилар Термизга ҳар бир йўловчидан 800 минг сўмдан сўрашган.
«Бу рекорд сакраш бўлди. Янги йил арафасида Термизга нархлар максимал 500 минггача кўтарилган эди. Бу ҳатто энергия инқирози ва метан билан боғлиқ муаммолар (аксарият автомобилларга газ баллон ўрнатилган — таҳр.)», — дейди у.
«Олмазор» метро бекатидаги ажиотаж.
Транспорт вазирлиги матбуот хизматининг «Газета.uz»га маълум қилишича, 20 апрель куни «Тошкент» автовокзалидан турли йўналишлар бўйича 25 та қўшимча рейс ташкил этилди.
«Автовокзалда ҳаммаси жойида. Агар талаб бўлса, қўшимча автобуслар етказиб берамиз. Ҳаракатланувчи таркиб етарли», — дея таъкидлади Транспорт вазирлиги матбуот хизмати. Қўшимча рейслар ҳақидаги маълумотлар автовокзалнинг Telegram-каналида эълон қилинмоқда.
Тошкент автовокзали. Фото: Транспорт вазирлиги.
«Ўзбекистон темир йўллари» компаниясидан «Газета.uz»га маълум қилинишича, байрам арафасида Самарқанд — Тошкент — Самарқанд йўналишида қўшимча тўртта Afrosiyob рейси, Тошкент — Қарши — Тошкент ва Тошкент — Хива — Тошкент йўналишларида ҳам қўшимча тўртта рейс очилган.
Компаниянинг маълум қилишича, 20 апрель куни тушдан кейин сервердаги юклама кўплиги сабабли темир йўл сайти вақтинча ишламай қолган.
«Иложи бўлса, қўшимча вагонлар қўшамиз», — деди матбуот хизмати. Қўшимча рейсларни йўлга қўйиш осон иш эмас, чунки темир йўллардан фақатгина йўловчи поездлари фойдаланмайди ва жадвалларни белгилаб олиш керак бўлади.
Ҳайит учун дам олиш кунлари одатда тўсатдан эълон қилинади ва компания бунга тайёр, дея қўшимча қилди матбуот хизмати. Шу кунларда, шунингдек, Янги йил байрамлари олдидан, ўқув йилининг бошланиши ва тугаши арафасида енгил автомобилларнинг тўлиқ захирасидан фойдаланилмоқда.
Тошкентдаги қандолатчилик корхоналаридан бирининг вакили байрам эълон қилинганидан кейинги ҳолат бўйича «Газета.uz»га изоҳ берди.
«19 апрель куни ижтимоий тармоқларда байрам 21-кунга тўғри келиши ҳақида хабарлар пайдо бўлди. Аммо кейинроқ бу янгилик ўчирилди. Мижозлар дарҳол 22- санадаги буюртмаларни кўчиришни бошлашди, лекин, шу билан бирга, ўз қарорларидан ишончлари комил эмас эди, чунки ҳеч ким байрам санасини аниқ айтолмасди. Биз мижозларимизнинг эҳтиёжларини қондириш учун қўлимиздан келганича ҳаракат қилдик, лекин кимгадир рад жавобини беришга мажбур бўлдик», — деди у.
Пойтахтдаги гўзаллик салонларидан бирининг ходими «Газета.uz»га мижозларнинг аксарияти жараёнларни бекор қилган.
Пойтахт супермаркетларида куннинг иккинчи ярмида ташриф буюрувчилар ёпирилиб келгани кузатилди.
