Ramazon hayitining qaysi kuni nishonlanishi oxirgi bir necha kun davomida o‘zbekistonliklarni qiziqtirgan eng muhim masalalardan biri bo‘ldi. Zero ketma-ket 4 kun dam olish deb e’lon qilingani ayniqsa viloyatlardan kelib Toshkentda yashayotgan, tahsil olayotgan va ishlayotganlarni qiziqtirayotgan edi. O‘zbekiston musulmonlari idorasi 20-aprel kuni bayramning birinchi kuni 21-aprelda nishonlanishini e’lon qildi.
Shunday qilib, bayram 22-aprel, shanba kuniga to‘g‘ri kelishini kutgan o‘zbekistonliklar rejalarini qayta ko‘rib chiqishga majbur bo‘ldi. Natijada Toshkentda kun davomida katta tirbandliklar kuzatila boshladi. Kechqurun Yandex.Xaritalar xizmati ma’lumotlariga ko‘ra, tirbandliklar 10 ballni tashkil etdi.
Payshanba kuni kunning ikkinchi yarmida Parkent ko‘chasidagi holat.
“Gazeta.uz” muxbiri Abdullo Yodgorov soat 15:00 dan 19:30 gacha Toshkentdan chiqishda tirbandlikda qolib ketgani va oxir-oqibat poytaxtga qaytishga qaror qilganini ma’lum qildi.
“Ippodromga yetib keldim. Sirdaryogacha shunday tirbandlik bor, deyishdi. Biz bir daqiqa turamiz, ikki metr yuramiz va yana turamiz. Hamma bayramlar 22-sana boshlanadi, deb o‘ylagandi”, — deydi u.
“Gazeta.uz”ning yana bir muxbiri Ma’murjon Obrahmatovning aytishicha, bayram oldidan Toshkentdan viloyatlarga yo‘l olgan taksilar narxi avvalgi bayramlarda oshganidan ham ko‘proqqa oshgan. Uning so‘zlariga ko‘ra, “Olmazor” metro bekatidagi taksichilar Termizga har bir yo‘lovchidan 800 ming so‘mdan so‘rashgan.
“Bu rekord sakrash bo‘ldi. Yangi yil arafasida Termizga narxlar maksimal 500 minggacha ko‘tarilgan edi. Bu hatto energiya inqirozi va metan bilan bog‘liq muammolar (aksariyat avtomobillarga gaz ballon o‘rnatilgan — tahr.)”, — deydi u.
“Olmazor” metro bekatidagi ajiotaj.
Transport vazirligi matbuot xizmatining “Gazeta.uz”ga ma’lum qilishicha, 20-aprel kuni “Toshkent” avtovokzalidan turli yo‘nalishlar bo‘yicha 25 ta qo‘shimcha reys tashkil etildi.
“Avtovokzalda hammasi joyida. Agar talab bo‘lsa, qo‘shimcha avtobuslar yetkazib beramiz. Harakatlanuvchi tarkib yetarli”, — deya ta’kidladi Transport vazirligi matbuot xizmati. Qo‘shimcha reyslar haqidagi ma’lumotlar avtovokzalning Telegram-kanalida e’lon qilinmoqda.
Toshkent avtovokzali. Foto: Transport vazirligi.
“O‘zbekiston temir yo‘llari” kompaniyasidan “Gazeta.uz”ga ma’lum qilinishicha, bayram arafasida Samarqand — Toshkent — Samarqand yo‘nalishida qo‘shimcha to‘rtta Afrosiyob reysi, Toshkent — Qarshi — Toshkent va Toshkent — Xiva — Toshkent yo‘nalishlarida ham qo‘shimcha to‘rtta reys ochilgan.
Kompaniyaning ma’lum qilishicha, 20-aprel kuni tushdan keyin serverdagi yuklama ko‘pligi sababli temir yo‘l sayti vaqtincha ishlamay qolgan.
“Iloji bo‘lsa, qo‘shimcha vagonlar qo‘shamiz”, — dedi matbuot xizmati. Qo‘shimcha reyslarni yo‘lga qo‘yish oson ish emas, chunki temir yo‘llardan faqatgina yo‘lovchi poyezdlari foydalanmaydi va jadvallarni belgilab olish kerak bo‘ladi.
Hayit uchun dam olish kunlari odatda to‘satdan e’lon qilinadi va kompaniya bunga tayyor, deya qo‘shimcha qildi matbuot xizmati. Shu kunlarda, shuningdek, Yangi yil bayramlari oldidan, o‘quv yilining boshlanishi va tugashi arafasida yengil avtomobillarning to‘liq zaxirasidan foydalanilmoqda.
Toshkentdagi qandolatchilik korxonalaridan birining vakili bayram e’lon qilinganidan keyingi holat bo‘yicha “Gazeta.uz”ga izoh berdi.
“19-aprel kuni ijtimoiy tarmoqlarda bayram 21-kunga to‘g‘ri kelishi haqida xabarlar paydo bo‘ldi. Ammo keyinroq bu yangilik o‘chirildi. Mijozlar darhol 22- sanadagi buyurtmalarni ko‘chirishni boshlashdi, lekin, shu bilan birga, o‘z qarorlaridan ishonchlari komil emas edi, chunki hech kim bayram sanasini aniq aytolmasdi. Biz mijozlarimizning ehtiyojlarini qondirish uchun qo‘limizdan kelganicha harakat qildik, lekin kimgadir rad javobini berishga majbur bo‘ldik”, — dedi u.
Poytaxtdagi go‘zallik salonlaridan birining xodimi “Gazeta.uz”ga mijozlarning aksariyati jarayonlarni bekor qilgan.
Poytaxt supermarketlarida kunning ikkinchi yarmida tashrif buyuruvchilar yopirilib kelgani kuzatildi.
