20 апрель куни ижтимоий тармоқларда бир эркак кўчада ўқувчи қизнинг ортидан югуриб келиб, унга ҳужум қилгани акс этган видео тарқалди.

Эркак қизнинг оғзини қўли билан ёпган ва уни ерга ўтказган. Шундан сўнг эркак ўрнидан туриб, қочиб кетган. Қиз ўрнидан туриб қочиб кетаётган эркакка қараб туради, кейин ўтириб, йиғлайди.

Бош прокуратура матбуот хизматининг «Газета.uz»га маълум қилишича, воқеа 19 апрель куни соат 13:00 атрофида Тошкент шаҳри Миробод туманида 17 ёшли қиз қўшимча дарслардан қайтаётганда содир бўлган.

Қайд этилишича, номаълум фуқаронинг шахсини аниқлаш ҳамда қидириб топиш чоралари кўрилиб, терговга қадар текширув ҳаракатлари олиб борилмоқда.