Тошкент шаҳри Олмазор туманида Spark йўлдан ўтмоқчи бўлган эр-хотинни уриб кетди ва оқибатда аёл вафот этди. Бу ҳақда Uzreport TV телеканалининг Uzreport news дастурида хабар берилди.

Қайд этилишича, воқеа 27 март куни соат 11:30 ларда Олмазор туманида юз берган. Шу вақтда эр-хотин йўлнинг белгиланмаган қисмидан ўтаётган бўлган. Уларга биринчи машина — Damas йўл берган. Аммо орқада келаётган 1997 йилда туғилган аёл бошқарувидаги Spark автомобили тўхташга улгурмай, икки пиёдани уриб кетган.

Воқеа юз бергандан сўнг аёл қорин бўшлиғи, кўкрак қафаси жароҳати ташхиси билан Тошкент тиббиёт академиясига ётқизилган.

Қилинган ҳаракатларга қарамай, у шу куни соат 15:10 да жонлантириш бўлимида вафот этган.