Агриппина Шин мактабгача ва мактаб таълими вазирининг 1-ўринбосари — мактабгача таълим агентлиги директори этиб тайинланди, дея хабар бермоқда президент Администрациясига яқин бўлган «Нигоҳ» Telegram-канали.
Ўзбекистон Республикасида хизмат кўрсатган ёшлар мураббийси Агриппина Шин 1958 йил 29 декабрда Сирдарё вилоятида туғилган. У Муҳаммад Ал-Хоразмий номидаги Тошкент ахборот технологиялари университетини тамомлаган. Тошкент ахборот технологиялари касб-ҳунар коллежида директор бўлиб ҳам ишлаган.
Сенатор 2017 йилнинг октябрь ойида мактабгача таълим вазири этиб тайинланганди. У мазкур лавозимда 2023 йилнинг январига қадар фаолият юритган.
Унинг ўрнига Шавкат Мирзиёевнинг 2023 йил 1 январдан бошлаб қайта ташкил этиладиган вазирликлар раҳбарларини тайинлаш тўғрисидаги фармони билан Хилола Умарова мактабгача ва мактаб таълими вазири бўлганди.
Аввалроқ Усман Шарифходжаев ҳам вазирнинг биринчи ўринбосари, Темуржон Комилов, Дилшод Кенжаев ва Узокбой Бегимкулов эса вазир ўринбосарлари этиб тайинланганди.
