23 март куни Қамчиқ довонида юк машинасининг кабина қисмида ёнғин содир бўлди, дея хабар қилди ФВВ матбуот хизмати.
Маълум қилинишича, соат 16:55 да «Қамчиқ» махсус қидирув, ёнғин-қутқарув бошқармасига А-373 автомобиль йўлининг 255-километрда Водий-Тошкент йўналиши бўйича ҳаракатланган, калава ип ортилган IVEKO юк машинасида ёнғин содир бўлган.
Ҳодисага юк машинасининг кабина қисмидаги қисқа туташув сабаб бўлган.
«Зудлик билан айтилган манзилга 2 та ёнғин-қутқарув экипажи етиб бориб, ёнғин бартараф этилган», — дейилади хабарда.
Ҳодиса оқибатида тан жароҳати олган ва ҳалок бўлганлар йўқ.
