Ижтимоий тармоқларда бир йигит кафеда нотаниш қариянинг олдига келиб, уни масхара қила бошлагани акс этган видео тарқалди.
Видеода столда кекса киши чой ичаётган бўлади. Бир йигит унга жуда яқин келиб, юзига қарайди. Қария ундан узоқлашишни сўрайди, улар орасида қандайдир суҳбат бўлади. Кейин йигит муштларини сиқади, эҳтимол муштлашишни таклиф қилади ва эркакка тегади. Кекса одам сўкишни бошлайди ва қўлини олиб ташлайди, шундан сўнг йигит узоқлашади ва кулади.
Самарқанд вилояти ички ишлар бошқармаси ёш йигит ўз қилмиши сабабларини тушунтириб, кечирим сўрагани акс этган видеони эълон қилди.
Йигитнинг айтишича, воқеа 11 март куни содир бўлган. У дўстлари билан «ҳар куни кафега ишга келадиган» эркак билан ҳазиллашишга қарор қилган. Улар жараённи видеога олишади ва уни TikTok ижтимоий тармоғига жойлаштирди. Йигит кекса кишидан узр сўраганларини ва бундай ҳолат бошқа такрорланмаслигини маълум қилди.
Шунингдек, ИИБ хабарига кўра, йигитга нисбатан маъмурий баённома тузилиб, у билан ота-онаси иштирокида профилактик суҳбат ўтказилган.
