28 февраль куни тунда Грецияда йўловчи ва юк поездининг тўқнашуви оқибатида камида 32 киши ҳалок бўлди, 85 киши жароҳатланди, деб хабар бермоқда BBC.
Йўловчи поезди Афинадан Салоники томон юрган, унга қарши Салоникидан Ларисса томонга юк поезди ҳаракатланган. Поездлар нима учун бир йўлда бўлгани номаълум, дейилади нашр хабарида.
350 киши бўлган йўловчи поездининг вагонлари рельсдан чиқиб кетган, улардан бири ёнган.
«Тўқнашув жуда кучли бўлди», — деди журналистларга Тесалия вилояти губернатори Константинос Агорастос. Унинг сўзларига кўра, йўловчи поездининг дастлабки тўрт вагони рельсдан чиқиб кетган, бошқа вагонларга ҳам жиддий шикаст етган.
