Йил бошидан буён Ўзбекистон кўчмас мулк бозоридаги фаоллик 3,8%га ошди, дейилади Иқтисодий тадқиқотлар ва ислоҳотлар маркази (ИТИМ) шарҳида. Иккиламчи уй-жой бозорида ўртача нархлар йил давомида 16,5%га, пойтахтда эса 24%га ўсди. Шу билан бирга, Тошкентда уй-жой ижараси қарийб 34%га қимматлашди.
Ўтган йили кўчмас мулк бозорининг ўзига хос хусусияти сотувларнинг қисқа кўтарилиш ва пасайиш даврларининг ўзгариши эди. Август ойидаги кескин кўтарилишдан сўнг, сентябрь-октябрь ойларига фаоллик бироз пасайди, аммо ноябрь ойида ипотека кредитларидан фойдаланиш бўйича кенгайтирилган дастурни қабул қилиш билан боғлиқ ўсиш кузатилди, аммо йилнинг сўнгги ойи савдоларнинг сезиларли пасайиши билан ажралиб турди.
Шундай қилиб, декабрь ойида 15 мингта кўчмас мулк олди-сотди шартномалари рўйхатга олинди, бу бир ой олдингига нисбатан 37%га кам.
Умуман олганда, ўтган йили уй-жой олди-сотди шартномаларининг умумий сони 257 мингдан ошди, бу 2021 йилга нисбатан 3,8%га кўпдир.
Кўчмас мулк бўйича расмийлаштирилган олди-сотди шартномалари сонининг ўзгариши
Мутахассисларнинг таъкидлашича, кўчмас мулк бозоридаги фаоллик арзон ипотека давлат дастурларини рағбатлантиришда давом этмоқда. Шундай қилиб, 2023 йил 1 январь ҳолатига ипотека кредитлари қолдиғи 46,4 трлн. сўмни ташкил этиб, бу кўрсаткич 2021 йилга нисбатан 1,3 баробарга, 2017−2022 йилларда эса 6 баробар ошди.
Тошкентда уй-жой ижараси нархларининг ўзгариши
Пойтахтда декабрь ойида ижаранинг ўртача нархи деярли ўзгармади ва 1 кв.м. учун 9,9 долларни ташкил этди.
Энг юқори ижара нархи Шайхонтоҳур (1 кв.м учун 13,3 доллар), Яккасарой (12,2 доллар) ва Яшнобод (10 доллар) туманларида қайд этилди.
Нисбатан арзон ижара нархлари Учтепа (8 доллар), Сергели (7 доллар) ва Бектемир (7 доллар) туманларида қайд этилди.
2022 йил бошидан буён Тошкент шаҳрида ижаранинг ўртача нархи 34,6%га ошди. Уй-жой ижараси бўйича йил бошидан буён энг юқори ўсиш Олмазор (57,6%), Бектемир (50%) ва Яшнобод (50%) туманларида қайд этилди.
Иккиламчи кўчмас мулк бозори
Ҳисоб-китобларга кўра, декабрь ойида иккиламчи уй-жой бозорида 1 кв.м. учун ўртача уй-жой нархининг ўсиши ойига 0,6%ни ташкил этган бўлса, йил бошидан буён 16,5%га ошган.
Умуман олганда, ўтган йили уй-жой нархларининг энг сезиларли ўсиши Навоий — 27,7%, Тошкент-25,1% ва Фарғона вилоятларида 24% кузатилди.
Пойтахтда декабрь ойида иккиламчи уй-жой кўчмас мулк бозорида нархларнинг ўсиши 1,1%ни ташкил этди. Энг юқори ўсиш суръатлари Шайхонтоҳур — 4,1%, Чилонзор — 3,9% ва Учтепа туманларида — 2,7% қайд этилди.
Йил бошидан буён Тошкентда иккиламчи уй-жойларнинг ўртача нархи 24%га ошди.
Тошкент шаҳри ва ҳудудлар маъмурий марказларида иккиламчи уй-жой нархларининг ўзгариши (1кв.м. учун АҚШ долларида).
