Ўзбекистондаги нархни оширган ва сифатсиз маҳсулот сотгани учун 299 та АЁҚШга бензин етказиб бериш тўхтатилди. Бу ҳақда Энергетика вазирлиги ҳузуридаги «Нефтгазинспекция»си «Газета.uz»га маълум қилди.
Бундан ташқари 15 млн литрга яқин сифатсиз нефть маҳсулотлари аниқланди.
«Истеъмолчилар кунлик эхтиёжидан 3−4 баробар ошиқча автобензин сотиб олаётганлиги сабабли заправкаларда ҳам маълум вақт автобензин узилишига сабаб бўлмоқда. Камчиликка йўл қўйганлар тадбиркорларни қатъий огоҳлаштирамиз ҳамда фуқаролардан хавотирга тушмасликни сўраймиз», — дейилади инспекция баёнотида.
Шунингдек, «Нефтгазинспекция» қайд этилишича, Термиз шаҳридаги «ДОН» хусусий фирмасига тегишли АЁҚШ ҳам нархни асоссиз оширгани тасдиқланган.
«Бензин нархини сунъий равишда оширганлиги сабабли ушбу АЁҚШга автобензин етказиб бериш тўхтатиш юзасидан тегишли ташкилотларга кўрсатма берилди», — дейилади инспеция баёнотида.
Аввлроқ, Антимонополия қўмитаси бензинга талаб ошган вақтда нархни асоссиз ошираётган АЁҚШларга тегишли чора кўрилишини маълум қилганди.
