Тахиатош тумани хокими Илҳом Маткаримов фермер хўжалиги раҳбаридан фирибгарлик йўли билан 100 млн сўм пул олгани ҳолати бўйича қамоққа олинди. У 1 ноябрь куни қўлга олинган бўлса, Қорақалпоғистон прокуратураси бу ҳақда 5 ноябрь куни эълон қилди.
Мазкур ҳолат бўйича Жиноят Кодексининг 168-моддаси (фирибгарлик) 3-қисми ва 25 (жиноятга тайёргарлик кўриш ва жиноят содир этишга суиқасд қилиш) ва 211-моддаси (пора бериш) 2-қисми билан жиноят иши қўзғатилган.
Жиноят иши бўйича тергов ҳаракатлари Қорақалпоғистон прокуратураси томонидан олиб борилмоқда.
Прокуратура ижтимоий тармоқларда Илҳом Маткаримовнинг турмуш ўртоғи ҳам қамоққа олингани ҳақидаги хабарларни рад этди.
