Британиянинг Collins English Dictionary тузувчилари 2022 йил сўзи сифатида «пермакризис» (permacrisis)ни танлади. Бу permanent (доимий) ва crisis (инқироз) сўзларининг қўшилишидан ҳосил бўлган атама «узоқ вақт давом этадиган беқарорлик ва ишончсизлик»ни англатади.
Бу сўз, хусусан, Буюк Британия ва бутун дунё дуч келган ва дуч келаётган инқирозларни, жумладан, сиёсий беқарорлик, Украинадаги уруш, иқлим ўзгариши ва яшаш нархининг ошишини тавсифлайди.
Йил сўзига номзодлари қаторида «Киев», «патигейт» (partygate) — карантин вақти уйида базм ташкил қилган Буюк Британиянинг собиқ бош вазири Борис Жонсон билан боғлиқ можаро, «сплутинг» (splooting) — юзада оёқ ва қўлларни чўзган ҳолда қорин билан ётиш, «илиқ жой» (warm bank) — энергия нархининг кўтарилиши шароитида исиниб олиш учун мўлжалланган жамоат биноси ёки жойи маъносини англатувчи сўзлар бор эди.
Ўтган йили энг оммабоп сўз сифатида NFT (non-fungible token — тасвир ёки видео каби активга эгалик ҳуқуқини берувчи блокчейнга асосланган токен), 2020 йилда эса «локдаун» танланган эди.
