30 сентябрь куни Россия президенти Владимир Путин Кремлда бўлиб ўтган тантанали маросимда ўзини ўзи мустақил деб эълон қилган Донецк ва Луганск халқ республикалари, шунингдек, Россия Федерацияси томонидан босиб олинган Украинанинг Запорожье ва Херсон вилоятларининг Россия таркибига кириши тўғрисидаги шартномаларни имзолади."

"Ишончим комилки, Федерал Мажлис Россия Федерациясининг тўртта янги субъектини яратишни қўллаб-қувватлайди", — деди у очилиш нутқида.

Маҳаллий марказий сайлов комиссиялари маълумотларига кўра, қўшилиш тўғрисида қарор Россия назоратидаги ҳудудларда 23−27 сентябрь кунлари ўтказилган референдумлар натижасида қабул қилинган.

«Биз Киев режимини зудлик билан ўт очишни ва 2014 йилда бошлаган урушни тўхтатишга, музокаралар столига қайтишга чақирамиз. Биз бунга тайёрмиз», — деди Владимир Путин. Шу билан бирга, у музокараларда Украинанинг Россия назоратидаги ҳудудлари мақоми муҳокама қилинмаслигини таъкидлади.

«Киев маъмурлари ва уларнинг Ғарбдаги ҳақиқий хўжайинлари мени эшитишларини истайман. Донецк, Луганск, Херсон ва Запорожьедагилар бизнинг фуқароларимизга айланади. Абадий. Халқ ўз танловини қилди, Россия уларга хиёнат қилмайди. Биз юртимизни ҳар томонлама ҳимоя қиламиз», — деди у.

Владимир Путин, шунингдек, Россия ДХР, ЛХР, Запорожье ва Херсон вилояти хавфсизлигини таъминлашини таъкидлади.