Россия президенти Владимир Путин Ўзбекистон президентини Александр Невский ордени билан мукофотлади. Тақдирлаш тўғрисидаги фармон 23 июль куни ҳуқуқий ахборот расмий интернет-порталида эълон қилинди.
Ҳужжатда Шавкат Мирзиёев «Россия ва Ўзбекистон ўртасидаги дўстлик ва ҳамкорликни мустаҳкамлашдаги улкан хизматлари учун» мукофотлангани қайд этилган.
Александр Невский ордени таниқли хорижий сиёсий ва жамоат арбобларига, хорижий давлатлар ишбилармон доиралари вакилларига РФ билан кўп томонлама ҳамкорликни ривожлантиришдаги хизматлари ва унинг ижтимоий-иқтисодий ривожланишидаги кўмаги учун берилиши мумкин.
