Ўзбекистон Президенти Шавкат Мирзиёев якшанба куни яна Нукусга учди. Бу ҳақда Flightradar24 маълумотлари гувоҳлик бермоқда.

Давлат раҳбари шанба куни оммавий намойишлар бўлиб ўтган Қорақалпоғистон пойтахтида бўлиб, кечаси қайтиб келган эди.

«Газета.uz» манбаларига кўра, ҳозирда Нукус тинч, кўчада машиналар деярли йўқ. Интернетга кириш ҳали ҳам чекланган. Мобил алоқа ишламоқда.

Аввалроқ ёзганимиздек, республикадаги тартибсизликлар Конституцияга ҳудуд мақомини ўзгартиришни назарда тутувчи таклиф этилаётган ўзгартиришлардан аҳолининг норозилиги ортидан содир бўлди.

Якка тартибдаги ва жамоавий видеомурожаатлардан бошлаб, республика аҳолисининг норозилиги 1 июль куни Нукус марказида оммавий намойишга айланиб кетди. Ўлганлар ва яраланганлар ҳақида хабарлар бор.

Тундан бери Қорақалпоғистонда фавқулодда ҳолат жорий этилган. У бир ой давомида амалда бўлади.