12 апрель куни соат 18:00 атрофида Тошкентнинг Чилонзор туманида аёл киши номаълум эркакнинг болалар ўйнаб юрган кучукчани уларнинг кўз ўнгида қаттиқ калтаклаганига гувоҳ бўлди. Ижтимоий тармоқларда калтаклаш оқибатлари акс этган видеолавҳалар тарқалди.
Эркак «ҳўл асфальт» рангли Cobalt машинасини ҳайдаб кетган. Тошкент ИИББ 43 ёшли И. К.нинг кўрсатмасини олгач, терговга қадар текширув ишлари бошланганини маълум қилди. Ҳайдовчи ва транспорт воситаси қаердалигини аниқлаш чоралари кўрилмоқда.
