Россия миллий авиакомпанияларга нисбатан Ғарб томонидан жорий этилган санкцияларга жавоб тариқасида 37 давлат самолётлари учун ўз осмонини ёпди, дея хабар қилди Росавиация.
«Халқаро ҳуқуқ меъёрларига мувофиқ, Европа давлатларининг Россия ва/ёки Россияда рўйхатдан ўтган авиаташувчилар эксплуатация қилаётган йўловчи ҳаво кемалари парвозларини амалга оширишга чекловларига жавоб тариқасида 36 та давлат авиаташувчилари парвозларига чекловлар жорий этилди», — дейилади хабарда.
Чекловлар Европа Иттифоқи мамлакатлари: Австрия, Бельгия, Болгария, Венгрия, Германия, Греция, Дания, Ирландия, Исландия, Испания, Италия, Кипр, Латвия, Литва, Люксембург, Мальта, Нидерландия, Польша, Португалия, Руминия, Словакия, Словения, Финляндия, Франция, Хорватия, Чехия, Швеция ва Эстония самолётларига нисбатан қўлланилади.
ЕИдан ташқарида эса: Албания, Ангилья, Буюк Британия, Британия Виржиния ороллари, Гибралтар, Жерси, Канада, Норвегия.
Хабарда қайд этилишича, мазкур давлатлар Росавиация ёки Россия ТИВ томонидан берилган махсус рухсатнома билан парвозларни амалга ошириши мумкин.
Эслатиб ўтамиз, аввалроқ Россия Украинага бостириб кириши муносабати билан бир қатор давлатлар, хусусан ЕИга аъзо 27 давлат ва Канада РФ йўловчи самолётлари учун ўз ҳаво ҳудудларини ёпган эди.
