16 январь, якшанба куни коронавирус билан касалланиш бўйича кунлик кўрсаткич 1000дан ошиб кетди. Бу пандемия вақтидан бери кузатилган энг юқори натижа, дея хабар бермоқда ССВ. Касалланганлар сони олдинги кунга нисбатан яна 105 нафарга ортган (932 нафар).
16 январь ҳолатига кўра, Ўзбекистонда коронавирус инфекцияси қайд этилганлар сони 206122 (+1037) нафарни ташкил этмоқда.
Янги касалланиш ҳолатларининг ярми — 535 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Фото: ССВ
️Шунингдек, 3 нафар коронавирусга чалинган бемор вафот этиб, касалликдан вафот этганлар сони 1518 нафарга етди.
ССВ аҳолидан касаллик ортгани билан ортиқча хавотирга берилмасликни, карантин қоидаларига қатъий риоя этиб, коронавирусга қарши тўлиқ эмланишларини сўраган.
Эслатиб ўтамиз, кунлик касалланишларнинг энг кўпи 2021 йилнинг 5 августда қайд этилганди — 974 кишида COVID-19 аниқланган.
