Арманистон Озарбайжон билан чегарада 12 аскар асирга олинганини маълум қилди
Арманистон Мудофаа вазирлиги Озарбайжон билан чегарадаги жангларда 12 аскар асирга олинганини маълум қилди. Бу ҳақда РИА Новости хабар берди.
«Душман катта тирик кучини йўқотди, ўнга яқин зирҳли техника йўқ қилинди ёки яроқсиз ҳолга келтирилди. Арманистон томонида ҳам йўқотишлар бор. Арманистон қуролли кучларининг 12 нафар ҳарбий хизматчиси — етти нафар шартномавий аскар ва беш нафар ҳарбий хизматчи асирга олинган», — дейилади хабарда.
10 мингга яқин австралияликлар вакцинанинг ножўя таъсирлари учун компенсация олишни хоҳламоқда
Тахминан 10 минг австралиялик фуқаролар COVID-19 вакцинасининг ножўя таъсирларидан азият чекканлар учун вақтинчалик ногиронликни қоплаш учун мўлжалланган ҳукумат дастурига рўйхатдан ўтди.
Қайд этилишича, дастур келаси ойдан иш бошлайди. Ҳозирда хоҳловчилар Австралия Ижтимоий хизматлар вазирлигининг махсус сайтида рўйхатдан ўтишни бошлаган. Агар текширув натижасида аризачи ҳақиқатан ҳам ножўя таъсирлардан азият чекканлиги, моддий зарар кўрганлиги аниқланса, унга 5 минг Австралия доллари (тахминан 3670 доллар) миқдорида товон тўланиши мумкин. Товон пулларининг умумий миқдори 50 миллион Австралия долларига (тахминан 37 миллион доллар) ташкил қилиши кутилмоқда — Коммерсантъ.
AstraZeneca компанияси ҳозиргача 2 млрд доза вакцинани мамлакатларга етказди
Британия-швед компанияси AstraZeneca Оксфорд университети билан ҳамкорликда COVID-19 га қарши вакцина ишлаб чиқди ва бу вакцина тасдиқланганидан буён бутун дунё бўйлаб 2 миллиард дозани етказиб берганини эълон қилди. Компания бу кўрсатгичга эришган биринчи Ғарб ишлаб чиқарувчиси бўлди. Глобал миқёсда у Хитойнинг Sinovac вакцинасидан кейин иккинчи ўринда туради.
AstraZeneca вакцинаси ҳозирда дунёнинг 15 мамлакатида ишлаб чиқарилади ва 170 дан ортиқ мамлакатларда қўлланилади. Вакцина ҳозирга қадар «50 миллион COVID-19 касаллигининг олдини олишга ёрдам берди ва 1 миллиондан ортиқ одамнинг ҳаётини сақлаб қолди», дейилади компания баёнотида.
АҚШ президенти Жо Байден ХХР раиси Си Цзиньпинга Хитойга қарши блок яратмаслик ва Тайван мустақиллигига ёрдамлашмасликка ваъда берди
АҚШ президенти Жо Байден ва Хитой раҳбари Си Сзиньпин учрашуви якунланди. Видеоконференцалоқа суҳбати 3,5 соат давом этди. Давлат раҳбарлари мамлакатлар ўртасидаги муносабатларнинг стратегик масалаларини муҳокама қилдилар. Жаноб Байден ХХР президентига Тайван мустақиллигини қўллаб-қувватламаслик ва Хитойга қарши блок яратмасликка ваъда берди. Бу ҳақда Коммерсантъ нашри хабар берди.
«АҚШ ҳукумати изчил ва узоқ муддатда „ягона Хитой“ сиёсатига амал қилади. Тайваннинг „мустақиллигини“ қўллаб-қувватламайди ва Тайван бўғози минтақасида тинчлик ва барқарорликнинг сақланишига умид қилади», — дея таъкидлаган Жо Байден. АҚШ президенти, шунингдек, АҚШ Хитойга қарама-қаршилик қилиш учун блок яратмаслигини ва Хитой билан зиддиятга киришмоқчи эмаслигини таъкидлади.
Ўзбек миллатига мансуб россиялик MMA жангчиси АҚШда вакцина олиш борасидаги баҳсда шифокорни ўлдирганликда айбланмоқда
АҚШ полицияси шифокорни ўлдиришда гумонланаётган аралаш яккакурашлар бўйича россиялик жангчи Акмал Хожиевни ҳибсга олди, деб хабар берди Интерфакс.
Тергов натижаларига кўра, ҳодиса коронавирусга қарши эмлаш зарурати бўйича келишмовчиликлар туфайли юзага келган. Кўтарилган баҳс охир-оқибат эмлашга қарши бўлган Хожиевнинг тажовузкор ҳаракатларига олиб келди. Қайд этилишича, жангчи ва доктор Миран Рибати ўртасида дўстона муносабат бўлган, улар битта спорт залига қатнашган. Қотиллик Ҳожиевнинг уйида содир бўлган. Унинг онаси ва синглиси воқеага гувоҳ бўлган.
Маълумотларга кўра, Ҳожиев шифокорга орқадан ҳужум қилиб, уни бўға бошлаган. Жангчи Рибатини полга йиқитган ва уни ҳушсиз қолдирган. Гувоҳлар полицияга қўнғироқ қилиб, Ҳожиевни тўхтатмоқчи бўлган. Кейин спортчи ўрнидан туриб ошхонадан тушликдан қолган суякни олган ва у билан шифокорни бир неча марта урган.
Воқеа жойига етиб келган полициячилар спортчини Рибатининг жасади ёнидан топдилар. Жангчи қилган ишини дарҳол тан олди. Хожиев 1 миллион доллар гаров эвазига озод этилиши мумкин. 27 ёшли Ҳожиев аралаш яккакураш бўйича профессионал жангларда тўртта жанг ўтказиб, учтасида ғалаба қозонган.
