Шавкат Мирзиёев декабрда Жанубий Кореяга ташриф буюриши кутилмоқда. Бу ҳақда Жанубий Корея президенти Мун Чжэ Иннинг Ўзбекистон раҳбарига йўллаган табригида айтилган.
«Сиз ва рафиқангиз билан жорий йил декабрь ойида Кореяда учрашишимни орзиқиб кутмоқдаман», — дейилади Мун Чже Иннинг Шавкат Мирзиёевнинг президентлик лавозимига сайлангани муносабати билан йўллаган табригида.
Январ ойида икки мамлакат раҳбарлари видеоанжуман шаклида учрашув ўтказганди.
Жанубий Корея президенти Мун Чжэ Ин сўнгги марта 2019 йил апрелида давлат ташрифи билан Ўзбекистонда бўлган. Унга қадар 2017 йил ноябрида Шавкат Мирзиёев Жанубий Кореяга сафар қилганди.
Аввалроқ, Венгрия бош вазирининг Шавкат Мирзиёевга йўллаган табригида Ўзбекистон президентининг 2022 йилда Венгрияга расмий ташрифи режалаштирилганлиги айтилган эди.
