Чоршанба, 30 июнь куни Ўзбекистонга яна 1 млн доза хитой-ўзбек ZF-UZ-VAC2001 вакцинаси олиб келинди, дея хабар бермоқда ССВ матбуот хизмати.
Бу ушбу вакцинанинг келтирилган 7-партияси бўлиб, худди шунча миқдорда кеча, 29 июнь куни ҳам олиб келинган эди.
Шундай қилиб, Ўзбекистоннинг вакцина захираси 7,4 млн дозага етмоқда. Улардан 6,5 млни — ZF-UZ-VAC2001 вакцинаси, 660 мингтаси — AstraZeneca (Covieshield, COVAX дастури асосида бепул етказиб берилган) ва 240 мингтаси — Россиянинг «Спутник V» вакцинаси ҳисобланади.
Айни пайтга қадар шундан 3,5 млн дозадан ортиғи вакцинация жараёнларида қўлланилди.
