4 июнь куни Мактабгача таълим вазири Агриппина Шин коронавирусга қарши эмланди. Бу ҳақда вазирлик матбуот хизмати хабар берди.
У «Sputnik V» вакцинасини қабул қилган.
Ҳукумат вакиллари орасида бунгача фақат Инновацион ривожланиш вазири Иброҳим Абдураҳмоновнинг вакцина қабул қилганлиги расман эълон қилинган эди. У хитой-ўзбек вакцинасининг синовида иштирок этганлиги учун эмланган эди.
Аввалроқ, СЭС бошлиғи ўринбосари COVID-19`га қарши «Sputnik V» вакцинаси билан «фақат амалдорлар эмланаётгани ҳақидаги қараш жуда нотўғри» эканлиги, мазкур вакцина билан фақатгина 65 ёшдан катталар эмланиши кўзда тутилганлигини маълум қилган эди.
