17 февраль кунидан талабаларга Ургут туманида Тожикистон Республикаси билан чегарада жойлашган «Жартепа» чегара божхона пости орқали ҳаракатланишларига рухсат берилди. Бу ҳақда Самарқанд вилояти божхона бошқармаси маълумотларига асосланиб, Zarnews.uz хабар бермоқда.
Пандемия сабабли талабалар Тожикистонга фақатгина «Сариосиё», «Ойбек» ва «Плотина» чегара ўтказиш пунктлари орқали ҳаракатланиши мумкин бўлган.
Пост орқали ҳозирга қадар фақат Самарқанд вилоятида фаолият юритаётган тадбиркорлик субъектларининг экспорт-импорт операцияларини амалга оширишлари учун халқаро юк ташувчиларнинг юк автотранспорт воситалари ҳамда талабалар ҳаракатланиши белгиланган эди.
