ЖССТ экспертлари Вухан ҳалкаро аэропортига келиб қўнишди, дея хабар берди CGTN телеканали. Улар талабга кўра 14 кунлик карантинда бўлишади. Бу вақт оралиғида улар хитойлик мутахассислар билан видеоалоқа орқали фикр алмашишади.
Аввалроқ ЖССТ раҳбари Тедрос Гебрейесус ташкилотнинг экспертлари коронавирус келиб чиқишини текшириш учун Хитойга кира олишмаётганликлари ҳақида хабар берган эди. ЖССТ раҳбари ушбу муаммони Хитой расмийлари билан муҳокама қилганини ва Пекин зарур рухсатномаларни бериш тартибини тезлаштиришда кафолат беришини айтди.
Маълумот учун COVID-19'нинг тарқалиши илк бор 2019 йил декабрида Хитойнинг Вухан шаҳрида кузатилган.
