АҚШ президенти Дональд Трамп Жоржия штати ҳукумати вакилларига сайловларнинг натижаларини қайта кўриб чиқишларини талаб қилиб, жиноий жавобгарлик билан қўрқитган ҳолда босим ўтказган. Бу ҳақда The New York Times нашри хабар берди.
Қўнғироқ шанба куни амалга оширилган бўлиб, деярли бир соат давом этган. Суҳбат давомида Трамп Раффенспергерга жиноий жавобгарлик ҳақида огоҳлантирган ҳолда таҳдид қилган.
«Мен фақат 11780 та овоз топишни, яъни биз йиғгандан биттага кўп овозга эга бўлишни хоҳлайман. Чунки биз бу штатда ғалаба қозонган эдик», — деган Трамп суҳбатда.
Брэд Раффенспергер президентнинг илтимосини рад этган ва унга овозларнинг қалбакилаштирилгани ҳақида нотўғри маълумот беришганини айтган. The New York Times ва юристларнинг айтишича, Дональд Трамп бу иши учун жавобгарликка тортилиши мумкин.
Эслатиб ўтамиз, 3 ноябрь куни АҚШ да президентлик сайловлари бўлиб ўтди ва унда Жо Байденнинг қўли баланд келди. Трамп буни тан олишдан бош тортди ва судга ўнлаб аризалар берди. 6 январь куни АҚШ Сенати ва Конгрессменлар палатаси расмий равишда сайловлар натижаларини эълон қилади. 20 январь кунига эса сайланган президентнинг инаугурацияси ўтказилиши белгиланган.
