Хорижий ОАВлар хабар беришича, Демократлар партияси номзоди Жо Байден 2020 йилда АҚШ президентлик сайловларида ғалаба қозонди. У 284 та сайловчилар коллегиясининг овозини тўплаган ва 214 овозга эга рақиби Дональд Трампдан катта фарқ билан ўзиб кетган. Вице-президент эса Калифорния сенатори, 56 ёшли Камалла Харис бўлади.

Бюллетенларни ҳисоблаш жараёнлари расман якунига етмади, бироқ Байден сайловчилар коллегиясининг 270 тадан ортиқ овозини олиб ғалабани нақд қилиб қўйди. Сайлов якунига оз қолганида Жо Байден энг муҳим Висконсин ва Мичиган штатларида ғолиб бўлди.

CNN, AP, The New York Times ва NBC Байден сайловда ғолиб бўлганини эълон қилди. Лекин ҳали Байденнинг ғалабаси расман эълон қилинмади. Fox news маълумотлари эса Байден 290 та овозни тўплаганини кўрсатмоқда.

Фото: Fox news

Трамп сайловлар ҳали якунланмагани, қонуний равишда топширилган бюллетенлар натижалари ғолибни аниқлашини таъкидламоқда. TJournal нашри ёзишича, «Америка халқи, унга муносиб бўлган ҳалол ҳисоблашни олмагунича, мен тинчланмайман» — деган Дональд Трамп.

Аввалроқ, АҚШ президентлик сайловларида Жо Байден энг муҳим Висконсин ва Мичиган штатларида ғолиб бўлгани ва рақиби Дональд Трамп ушбу штатлардаги овозларни ҳисоблаш бўйича шикоят қилмоқчи экани ҳақида ёзган эдик.