Беларусь Литва ва Польша билан чегараларини ёпмоқда, Украина билан чегара назорати эса кучайтирилади
Фото: БЕЛТА
Беларусь Литва ва Польша давлатлари билан чегараларини ёпмоқда, ҳамда Украина билан чегара назоратини кучайтирмоқда. Бу ҳақда Aлександр Лукашенко 17 сентабрь куни Минскда «Беларусь учун» аёллар форумида айтди. Aлександр Лукашенконинг таъкидлашича, мамлакатда мавжуд бўлган вазият Россия билан биргаликда иттифоқ давлатининг умумий мудофаасини шакллантиришга мажбур қилди. «Биз, уларнинг кейинги қадамларини билмаймиз. Иссиқ урушни бошлашдан олдин уларнинг арсеналида „фокуслар“ жуда кам қолганлигини тушунамиз. Шунинг учун, юқорида айтиб ўтганимдек, қўшинларни кўчалардан олиб чиқишга, армиянинг ярмини қуроллантиришга ва ғарбдан давлат чегарасини ёпишга мажбур бўлаяпмиз», — деди президент. — Газета.uz
Коронавируснинг кенг тарқалиши Европа ҳудудининг иқтисодиёти учун энг катта таҳдид бўлиши мумкин
Коронавирус ҳолатларининг қайтадан кўпайиши, Европа ҳудудининг иқтисодиётини тиклаш учун энг катта таҳдиддир, дейди мутахассилар. Иқтисодчиларнинг гапларига кўра, ишсизликнинг ўсиши ва инфляция келгуси йилда салбий ҳодисаларни яратиши мумкин. «Ёз ойларида COVID-19 инфекциясининг кенг тарқалгани сабабли самарали вакцинасиз касалликни тўхтатиш қийин бўлишини кўрдик», — дейди ING бош иқтисодчиси Питер Хоут. «Шунингдек, ҳозирги таназзул ишсизликнинг кўпайишига олиб келиши мумкинлиги ҳақида хавотир мавжуд… (ва) биз истеъмол салоҳиятини камайишига олиб келувчи эҳтиёт чораларини инкор эта олмаймиз», — дейди мутахассис. — Reuters
Пётр Порошенкога нисбатан 58 та жиноий иш очилди
Украинанинг собиқ президенти Пётр Порошенконинг адвокати Илья Новиков унинг мижозига қарши 58 та жиноий иш бўйича тергов жараёни олиб борилишини айтди. «Биздан доимий равишда Порошенконинг рўйхатидаги жиноий ишларнинг сони қанча эканлигини сўрашади. Шунга қарамай, биз у ерда ўзимиз билмаган нарса йўқлигига амин бўла олмаймиз, аммо ҳозирги кунгача жиноий ишлар сони 58 тани ташкил этади» — дейди собиқ президентнинг адвокати. — РИА Новости
Жо Байден Россияни АҚШнинг рақиби деб атади
Фото: twitter.com/JoeBiden
Демократик партиясидан президентликка номзод бўлган Жо Байден, Россияни AҚШнинг рақиби деб атади. Жо Байденнинг Пенсильваниядаги нутқи пайтида журналистлардан бири номзод Москвани Вашингтоннинг душмани деб биладими, деб сўради. «Менимча, Россия рақиб. Ва мен ҳақиқатан ҳам шундай деб ўйлайман, — деди Байден. Номзод, шунингдек, Хитойни AҚШнинг жиддий рақиби деб билишини таъкидлади. Бундан ташқари, Байден Москванинг AҚШдаги сайлов жараёнларига аралашиши ҳақидаги миш-мишларга изоҳ берди — «Улар бунинг учун ҳақ тўлашади ва бу иқтисодий тўлов бўлади». — lenta.ru
Oculus компанияси янги «Quest 2» VR қурилмасини тақдим этди
Фото: oculus.com
Facebook шўъба компанияси, яъни Oculus ўзининг янги «Quest 2» VR (виртуал реаллик) қурилмасини намойиш этди. Виртуал реаллик ускунасининг иккинчи авлоди аввалгисига нисбатан енгилроқ ва ихчамроқ қилиб ишлаб чиқарилди. Бош тасмасини мато материалига ўзгартирилганлиги, уни фойдаланиш учун янада қулай қилди, дея таъкидлашмоқда компанияда. Aсосий ўзгаришлар сифатида қурилманинг ички қисмлари, айнан, VR дисплейлари ва ускуна платформасининг янгиланиши айтилди. Компанияда OLED матрицаларини ишлатишдан воз кечилди, бунга фойдаланувчиларнинг шикоятлари сабаб бўлди. Янги қурилмада 1832×1920 пиксель ўлчамдаги иккита IPS экрани ўрнатилган. — Oculus.com
