АҚШ президенти Дональд Трамп, коронавирус пандемиясидан кейин АҚШ иқтисодиётини тиклашга қаратилган «Америка буюк иқтисодий тикланиши» лойиҳасига жалб этиладиган шахслар рўйхатини эълон қилди. Бу ҳақда Оқ уй расмий сайтида хабар берилди.
Рўйхатдан 16 йирик саноат, шу жумладан қишлоқ хўжалиги, қурилиш, банк, молия, энергетика, соғлиқни сақлаш, туризм, чакана савдо, спорт ва технология соҳаларига мансуб мутахассислар ҳамда давлат арбоблари жой олган.
«Американинг энг етакчи раҳбарларидан ташкил топган мазкур гуруҳлар Оқ уй маъмурияти билан биргаликда Американинг келажакдаги мисли кўрилмаган гуллаб-яшнаш йўлини белгилашда иш олиб борадилар», дейилади ҳисоботда.
Ушбу рўйхатга кўплаб йирик тадбиркорлар киритилган:
Илон Маск, Tesla бош директори;
Жефф Безос, Amazon компаниясининг бош директори;
Тим Кук, Apple бош директори;
Марк Цукерберг, Facebook бош директори;
- Дэвид Соломон, Goldman Sachs бош директори;
Стивен Шварцман, Blackstone компаниясининг бош директори;
Джеймс Куинси, Coca-Cola бош директори;
Крис Кемпчински, McDonald’s бош директори;
ва бошқалар.
Эслатиб ўтамиз, АҚШ президенти Дональд Трамп коронавирус пандемиясининг мамлакат иқтисодиётига таъсирини юмшатиш ва иқтисодиётни рағбатлантириш мақсадида мисли кўрилмаган 2,2 трлн долларлик қонунни имзолаган эди.
