Қиймати баланд автомобиллар учун божхона тўлови камайтирилгандан сўнг 2019 йилнинг 6 ойи давомида премиум тоифага мансуб 600 дан ортиқ автомобиль, 20 та электромобиль Ўзбекистон ҳудудига олиб кирилган. Бу ҳақда 26 июнь куни Ўзбекистон президенти Админстрацияси ҳузуридаги Ахборот ва оммавий коммуникациялар агентлигида «Божхона соҳасида тадбиркорлар учун яратилаётган қулайликлар» мавзусида матбуот анжуманида маълум қилинди.
Агентлик расмий Telegram-каналида хабар қилинишича, хориждан келувчи автотранспорт воситалари учун божлар қиймати ҳам қайта кўриб чиқилиши мумкин.
Эслатиб ўтамиз, Ўзбекистонда 2019 йилнинг 1 январидан 40 минг АҚШ доллари эквивалентидаги, ишлаб чиқарилганига икки йилдан кўп вақт ўтмаган енгил автомашиналар учун ноль ставкадаги импорт божи тўланиши амалга татбиқ этилган эди. Шу билан бирга, акциз солиғи божхона қийматининг 20 фозини ташкил қилди.
Шунингдек электромобиллар — фақатгина электр двигатель ёрдамида ҳаракатни амалга оширувчи тарнспорт воситалари (ТН ВЭД 870380 кодли) учун ҳам ноль ставкада бож тизими белгиланди.
