Ўзбекистонлик боксчи Шахрам Ғиёсов Осиё бокс конференцияси сўровномаси якунлари бўйича Осиёнинг энг яхши боксчиси деб тан олинди.
69 кг гача вазн тоифасида Олимпия ўйинлари кумуш медали соҳиби 57,2 фоиз овоз тўплаб, 32,8 фоиз овоз тўплаган Ҳасанбой Дўсматовни ортда қолдирди. Кучли учликни қозоғистонлик Кайрат Ералиев (6,1 фоиз) якунлади.
24 ёшли бухоролик боксчи 2017 йилда Осиё ва жаҳон чемпиони бўлди.
Ўзбекистон Бокс федерацияси 91 фоизлик натижа билан Осиёда энг яхши деб топилди.
WSB турнирида қозоғистонлик Асланбек Шимбергенов (36,8 фоиз) Осиёда энг яхши деб топилди. Унинг ортидан ўзбекистонлик Исроил Мадримов (30,5 фоиз) ва Абдулхай Шораҳматов (19 фоиз) ўрин эгаллади.
Ражаббой Отаназаров «Энг яхши ёш боксчи» номинациясида иккинчи (34,4 фоиз), Жавлонбек Юлдашев ўсмирлар ўртасида иккинчи (42,6 фоиз) бўлди.
