Ўзбекистонлик шахматчи Нодирбек Абдусатторов тарихда иккинчи энг ёш гроссмейстер бўлди, деб хабар қилди Сhess.com сайти.
29 октябрь куни Санкт-Петербургда халқаро Чигорина Ёдгорлиги шахмат мусобақаси якунланди. Унда Нодирбек 9 очкодан 6,5 очко тўплаб, 13 ёш 1 ой ва 11 кунлигида учинчи нормани бажарди.
Тарихдаги энг ёш гроссмейстерлар рўйхати.
У 24 ёшли ҳиндистонлик гроссмейстер Панаяппан Сетхураман ва 27 ёшли россиялик гроссмейстер Евгений Левинни мағлубиятга учратиб, россиялик халқаро гроссмейстерлар — 32 ёшли Артём Тимофеев ва 31 ёшли Евгений Алексеев билан дуранг ўйнади.
Гиннеснинг Рекордлар китобига киритилган энг ёш гроссмейстер Сергей Карякин бўлиб, у 12 ёшу 7 ойлигида гроссмейстер бўлган.
Чоршанба куни Нодирбек Абдусатторов Ўзбекистон Президенти Шавкат Мирзиёев томонидан MacBook Pro ноутбуки билан тақдирланди.
