Жамият
«Зики эски шаҳар» лақаби билан танилган Лутфилла Умаров 6 йил 2 ойга қамалди
Тошкентда «Зики эски шаҳар» лақаби билан танилган, декабрь ойида ўтказилган рейд чоғида ҳибсга олинган Лутфилла Умаров 6 йил 2 ойга озодликдан маҳрум қилинди.
Миграция агентлиги Россияга киришда ўзбекистонликларга тўсқинлик қилинаётганини рад этди
Россияга киришда Ўзбекистон ва Қирғизистондан борган мигрантлар чегарада ушлаб турилгани, телефонлари олиб қўйилиб, овқат ва сувсиз қолдирилгани ҳақида хабарлар тарқалди. Ўзбекистон Миграция агентлиги Россиядаги ваколатхона билан боғланилганини билдириб, бундай ҳолатлар бўлаётганини рад этди.
148-ўрин: Ўзбекистон матбуот эркинлиги рейтингида 11 поғона пастлади
«Чегара билмас мухбирлар» ташкилотининг матбуот эркинлиги рейтингида Ўзбекистон 2023 йилги ўрнидан 11 поғона пастлаб, 180 та давлат орасида 148-ўринни эгаллади. Мамлакатда ОАВ эркинлиги билан боғлиқ вазият «мураккаб»дан «жуда жиддий» босқичга ўтди.
Ипотека кредитига бирламчи уй-жой бозоридан олинган ипотека предметини суғурта қилиш талаби бекор қилинади
1 майдан бирламчи уй-жой бозоридаги квартираларни сотиб олиш учун ипотека кредитларини ажратишда ипотека предметини суғурта хавфларидан суғурта қилиш талаби бекор қилинди.
Уй-жой шароитини яхшилашга муҳтож бўлганларга 120 млн сўмгача ипотека кредити берилади
Ипотека кредитлари орқали аҳолини уй-жой билан таъминлаш дастури доирасида ҳудудларда 100 мингта квартирадан иборат бўлган кўп қаватли уй-жойлар қурилади. Уй-жой шароитини яхшилашга муҳтож бўлган шахсларга 120 млн сўмгача ипотека кредити берилади.
Тошкент вилоятида эркак 260 гектар ерни 400 минг долларга сотмоқчи бўлди
«Чирчиқ шағал саралаш» корхонаси директори Юқори Чирчиқ туманидаги ғалла ва чорвачилик учун ажратилган 260 гектар ерни 400 минг долларга сотишга уринганликда гумонланмоқда. У 40 минг долларни бўнак сифатида олаётганида қўлга тушди.
2 май куни эълон қилинган энг муҳим янгиликлар дайжести
Молия институтларини Қамбарота ГЭС-1 лойиҳасида иштирок этишга чақирган бош вазир, инвесторларни Ўзбекистонга чорлаган президент, қурувчи ташкилотларнинг уй шартномаларидаги нархлари, ЕТТБ кўмагида хусусийлаштириладиган «Асакабанк» ва бошқалар — «Газета.uz»нинг кунлик дайжестида.
«Тошкент Қуръони» реставрация қилинади
Маданият ва санъатни ривожлантириш жамғармаси ҳамда Мусулмонлар идораси кўмагида «Тошкент Қуръони» номи билан машҳур бўлган Усмон мусъҳафини консервация ва реставрация қилиш режалаштирилмоқда. Лойиҳада хорижлик мутахассислар ва реставраторлар иштирок этади.
Болалар нафақаси ва моддий ёрдам тайинлашга онлайн ариза бериш мумкин бўлди
Энди кам таъминланган оилаларга болалар нафақаси ва моддий ёрдам тайинлашга my.gov.uz орқали онлайн ариза бериш мумкин. Хизматдан фойдаланиш бепул.
Yandex Ўзбекистонда мактаб ўқувчилари ва ўқитувчилари учун махсус IT таълим дастурини ишга туширади
Йил охиригача Yandex Ўзбекистоннинг икки шаҳрида болалар учун дастурлаш мактаблари ва информатика ўқитувчилари учун бепул дастурлаш курсларини очишни режалаштирмоқда.
Актёр Машраб Кимсанов вафот этди
Ўзбекистонда хизмат кўрсатган артист Машраб Кимсанов 69 ёшида вафот этди.
1 май куни эълон қилинган энг муҳим янгиликлар дайжести
Учта туманга тайинланган ҳокимлар, пенсиянинг янги энг кам миқдорлари, Осиё ва Океания кубоги чемпиони бўлган ўзбекистонлик ҳоккейчилар, биринчи чоракда 5 баравар кўп фойда кўрган UzAuto Motors ва бошқалар — «Газета.uz»нинг кунлик дайжестида.
1 майдан пенсия ва нафақанинг энг кам миқдорлари оширилади
Ўзбекистонда 1 майдан бошлаб иш стажи тўлиқсиз чоғдаги ёшга доир пенсия ва боқувчисини йўқотган оиланинг бир нафар меҳнатга қобилиятсиз аъзоси учун пенсия миқдори 4,3 фоизга оширилади. Бу миқдор минимал истеъмол харажатлари кўрсаткичи (камбағаллик чегараси) даражасига етказилди.
Сирдарёда браконьерлар икки нафар экология инспекторига ҳужум қилди
Тошкент вилоятидаги Сирдарё қирғоғида ноқонуний балиқ овлаётган эркаклар икки нафар экология инспекторига ҳужум қилди. Улар инспекторларни сувга итариб, резина қайиқларини ёқиб юборган ва қочиб кетган.
3−5 май кунлари Самарқанд−Тошкент йўналишида қўшимча «Афросиёб» поездлари қатнайди
3, 4, 5 май кунлари Самарқанд−Тошкент−Самарқанд йўналишида «Афросиёб» электропоездининг қўшимча ҳаракати йўлга қўйилмоқда.
Ўзбекистонда сув ва тупроқни хавфли кимёвий моддалардан тозалашга қаратилган лойиҳа амалга оширилмоқда
Ўзбекистонда ФАО ва Европа Иттифоқи кўмагида хавфли кимёвий моддаларни бошқаришни таъминлаш лойиҳаси амалга оширилмоқда. 4 млн евролик лойиҳа хавфли пестицидларни сув ва тупроқ таркибидан ажратиш, кимёвий чиқиндиларни тозалаш, зараркунандаларга қарши кураш ва бошқаларни назарда тутади.
Чирчиқ дарёсида қум-шағал қазиб олиниши оқибатида табиатга 83,3 млрд сўм зарар етказилгани аниқланди
Экология вазирлиги Чирчиқ дарёсидан қум-шағал қазиб олиниши оқибатида табиатга 83,3 млрд сўм зарар етказилганини аниқлади. Айбдорларга чора кўриш мақсадида ҳужжатлар Бош прокуратурага юборилди.
Тошкентда ўзбек тилидаги китоблар ва аудиокитоблардан иборат Mutolaa мобил кутубхонаси тақдимоти бўлиб ўтди
Тошкентда Mutolaa лойиҳаси тақдимоти бўлиб ўтди — бепул мобил илова ўзбек тилидаги 1000 дан ортиқ китобларни ўз ичига олган, уларнинг ярмидан кўпи аудио версиясига эга. Матнлар профессионал дубляж актёрлари томонидан ўқилган.
Самарқандда Сobalt 15 ёшли ўқувчи қизни уриб юборди
Самарқанд шаҳрида Сobalt йўлнинг белгиланмаган қисмидан ўтаётган 15 ёшли ўқувчини уриб юборди. ЙТҲ оқибатида қиз шифохонага ётқизилди.
Қўштепа тумани прокурори ўринбосари 2 минг доллар пора олишда гумонланмоқда
Фарғона вилояти Қўштепа тумани прокурори ўринбосарига нисбатан фирибгарлик ва пора моддалари бўйича жиноят иши қўзғатилди. У суд юритувидаги иш юзасидан айбдор шахсга нисбатан жазони енгиллатиб бериш эвазига 2000 доллар олишда гумон қилинмоқда.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг