«qatar» tegli maqolalar
O‘zbekiston va Qatar ta’lim sohasida hamkorlikni kengaytirmoqchi
Elchi Ashraf Xodjayev Qatar ta’lim vaziri Busaina bint Ali An-Nuaymiy bilan uchrashdi. Ular Qatar universitetlarida o‘zbekistonlik talabalar uchun kvotalar ajratish, ikki davlat maktab va OTMlari o‘rtasida almashinuv, qo‘shma ilmiy izlanishlar olib borish kabi masalalarni muhokama qildi.
O‘zbekiston va Qatar ishchilarni jalb etish bo‘yicha hamkorlikni yo‘lga qo‘yadi
O‘zbekiston va Qatar o‘rtasida qo‘shma qo‘mitaning birinchi yig‘ilishi Toshkentda o‘tkazilishi kutilmoqda. Unda O‘zbekiston fuqarolarini Qatarda ish bilan ta’minlash bo‘yicha o‘zaro muzokaralar bo‘lib o‘tadi.
Prezident Markaziy Osiyo va Ko‘rfaz arab davlatlari muloqoti delegatlarini qabul qildi
Prezident “Markaziy Osiyo — Ko‘rfaz arab davlatlari hamkorlik kengashi” muloqoti yig‘ilishiga kelgan, jumladan, Qatar, Saudiya Arabistoni, O‘mon va Turkmaniston tashqi ishlar vazirlarini qabul qildi. Tomonlar iqtisodiy hamkorlik, Yaqin Sharq va Afg‘onistondagi vaziyatni muhokama qildi.
Dohadagi Dizayn biyennalesi. U nima va unda nimalarni tomosha qilish mumkin?
Yaqin Sharq, Shimoliy Afrika va boshqa xorijiy davlatlarning 100 dan ortiq dizaynerlarini birlashtirgan Design Dohaʼning asosiy ko‘rgazmalari bo‘yicha yo‘riqnoma.
Ashraf Xodjayev O‘zbekistonning Qatardagi birinchi elchisi bo‘ldi
Ashraf Xodjayev O‘zbekistonning Qatardagi birinchi elchisi etib tayinlandi. U bunga qadar TIV departamenti direktori bo‘lib ishlab kelayotgandi.
“Hazillashyapsizmi?” Srechko Katanets — Qatardan uchralgan mag‘lubiyatdan keyin uning iste’foga chiqish masalasi haqida
Futbol bo‘yicha O‘zbekiston terma jamoasi bosh murabbiyi Srechko Katanetsning fikricha, Qatar bilan o‘yindagi mag‘lubiyatdan xafa bo‘lmaslik kerak, chunki jamoa turnirda yaxshi qatnashdi. Murabbiy uning iste’fosi haqidagi savolga shunday javob berdi: “Hazillashyapsizmi?”
“Penaltilarga tayyorgarlik ko‘rmagandik”. O‘zbekiston futbolchilari — Qatarga yutqazilgani haqida
O‘zbekiston terma jamoasi yarim himoyachisi Odiljon Hamrobekov Qatardan uchralgan mag‘lubiyatdan so‘ng futbolchilar penaltilar seriyasi uchun mashq qilmaganini bildirdi. Jaloliddin Masharipov muxlislardan kechirim so‘rab, jamoa jahon chempionatiga chiqa olishiga ishontirdi.
“Qatarni xavotirga soladigan jihatlarimiz bor”. Srechko Katanets — O‘zbekistonning chorak finaldagi o‘yini haqida
Futbol bo‘yicha O‘zbekiston terma jamoasi murabbiyi Srechko Katanets Osiyo kubogining chorak finalidagi raqib — Qatar bilan bo‘lajak uchrashuv haqida gapirdi. “Jamoa Qatarga qarshi qanday o‘ynash kerakligini biladi. Bizda yaxshi o‘yinchilar yetarli. ¼ finalga qadar keldik, buyog‘iga yo‘qotadigan narsamiz yo‘q”, — dedi u.
Qatarda O‘zbekiston elchixonasi ochildi
Dohada O‘zbekistonning Qatardagi elchixonasi ochilish marosimi bo‘ldi. 2023-yil may oyida Toshkentda ushbu davlatning diplomatik vakolatxonasi ish boshlagandi.
O‘zbekiston prezidenti Qatarning sobiq bosh vazirini qabul qildi
O‘zbekiston prezidenti Shavkat Mirziyoyev va Qatarning sobiq bosh vaziri Hamad bin Jassim Ol Soniy Buxoro va Toshkentda qator investitsion loyihalarni amalga oshirish, jumladan, yuqori tezlikda harakatlanishga mo‘ljallangan avtomobil va temir yo‘llar infratuzilmasini barpo etish masalasini ko‘rib chiqdi.
Qatar O‘zbekiston fuqarolari uchun 30 kunlik vizasiz rejim joriy etdi
O‘zbekiston fuqarolari endi Qatarda 30 kungacha vizasiz yurishi mumkin. Bunda ulardan qaytish chiptasiga ega va xorijga chiqish pasportining amal qilish muddati 6 oydan kam qolmagan bo‘lishi talab etiladi. Iyunda O‘zbekiston ham xuddi shunday rejimni joriy qilgandi.
O‘zbekiston va Qatar o‘rtasida qator hujjatlar imzolandi
O‘zbekiston prezidenti Dohada Qatar amiri bilan muzokaralar o‘tkazdi. Mamlakatlar o‘rtasida qator hujjatlar imzolandi. Dohada O‘zbekiston elchixonasi ochildi.
Qatar kompaniyalari O‘zbekistonda qanday loyihalarni amalga oshirishni rejalashtirmoqda?
Shavkat Mirziyoyev Qatarda bir qator yirik kompaniya va tashkilot rahbarlari bilan uchrashuvlar o‘tkazdi. Xususan, Al Mirqab Capital xoldingi O‘zbekistonda logistika markazi, Nebras Power 1 GVt quvvatga ega shamol stansiyasi va energiya saqlash tizimini qurishni rejalashtirmoqda.
Qatar O‘zbekistonda yuqori tezlikda harakatlanishga mo‘ljallangan avtomagistral qurishni rejalashtirmoqda
Qatarning eng yirik milliy xoldingi — Power International O‘zbekistonda yuqori tezlikda harakatlanishga mo‘ljallangan avtomobil magistralini qurishni rejalashtirmoqda. Kompaniya, shuningdek, tez orada mamlakatda o‘z ofisini ochishini ma’lum qildi.
Shavkat Mirziyoyev davlat tashrifi bilan Qatarga boradi
O‘zbekiston prezidenti Shavkat Mirziyoyev 1−2-oktabr kunlari davlat tashrifi bilan Qatarda bo‘lib, u yerda oliy darajadagi muzokaralar o‘tkazadi, shuningdek, Doha shahrida EXPO 2023 ko‘rgazmasi ochilish marosimida ishtirok etadi.
“Cho‘l ustidagi hashamat”. Qatar nimasi bilan mashhur?
Konditsionerli ko‘chalar, mashinistsiz metro, Safari, sun’iy Venetsiya shahri va albatta Qatar milliy muzeyi: “Gazeta.uz” muxbiri Mushtariy Oqboyeva O‘zbekistondan 40 marta kichikroq davlat — Qatar poytaxtiga sayohat qilib, “cho‘l ustidagi hashamat”ning e’tiborga molik maskanlarini fotokamera obyektiviga muhrladi.
O‘zbekiston Qatar bilan oliy ta’lim va ilmiy tadqiqotlar sohasida hamkorlik qiladi
Prezident Qatar bilan oliy ta’lim va ilmiy tadqiqotlar sohasida hamkorlik to‘g‘risidagi bitimni tasdiqlash bo‘yicha qarorni qabul qildi.
O‘zbekiston va Qatar o‘rtasidagi iqtisodiy bitimlar tasdiqlandi
Prezident O‘zbekistonning Qatar bilan investitsiyalarni o‘zaro rag‘batlantirish va himoya qilish hamda daromad soliqlari bo‘yicha imzolangan iqtisodiy bitimlarini tasdiqlash to‘g‘risidagi qarorni qabul qildi.
O‘zbekiston mudofaa vaziri Qatar harbiy delegatsiyasini qabul qildi
O‘zbekiston mudofaa vaziri Bahodir Qurbonov Qatar bosh vaziri o‘rinbosari — mudofaa vaziri Xolid bin Muhammad al-Atiya bilan muzokara o‘tkazdi. Shuningdek, ular Chirchiq shahridagi to‘qimachilik korxonasi va zirhli tank texnikalarini ta’mirlash zavodida bo‘ldi.
O‘zbekiston va Qatar hamkorlikni “keng qamrovli sheriklik” darajasiga ko‘tarmoqchi
O‘zbekiston prezidenti Samarqandda Qatar amiri bilan bo‘lib o‘tgan muzokaralarda ikki davlat o‘rtasidagi munosabatlar “keng qamrovli sheriklik” darajasiga chiqishiga ishonch bildirdi. Davlatlar rahbarlari o‘zaro savdo ko‘rsatkichlarini oshirishga tayyor ekanini ma’lum qildi. 15 ta ikki tomonlama hujjat imzolandi.
Eng ko‘p o‘qilgan xabarlar | So‘nggi yangiliklar
- Maktab ta’limi vazirligi “So‘nggi qo‘ng‘iroq”ni o‘tkazish bo‘yicha an’anaviy tavsiyalarni berdi
- Samarqandda xandaq qazilgani ortidan qo‘shni uy qulab tushdi (video)
- Qisqa yomg‘irdan so‘ng Toshkent ko‘chalarini suv bosdi (video)
- To‘qqizta hududda sel kelishi kutilmoqda
- O‘zbekistonda avtomobillar savdosi ketma-ket uchinchi oy pasaymoqda
Qo‘shimcha imkoniyatlarga ega bulish uchun saytda ro‘yxatdan o‘ting