Jamiyat
30 dekabr kuni O‘zbekistonda sodir bo‘lgan eng muhim xabarlar dayjesti
Nukusda muz o‘rtasida qolib ketgan bolalar, O‘zbekistonning Xitoydagi elchisi etib tayinlangan Farhod Arziyev, 1 noyabrdan niqob taqish bekor qilinganini aytgan YPX xodimi, Ekoqo‘mita raisligiga ma’qullangan Narzullo Oblomurodov, aholi piyoda yurgani uchun to‘langan 43,4 mlrd so‘m, Top-5 talikka kirgan shaxmatchi Javohir Sindarov, Yangi yilda o‘zbekistoniklar eng ko‘p qanday sovg‘a kutayotgani haqidagi so‘rovnoma va boshqa xabarlar — «Gazeta.uz» ning 30 dekabrdagi eng muhim xabarlari dayjestida.
«Xorazm hududiy elektr tarmoqlari» sobiq bosh direktori 8 yilga qamaldi
Pora olganlikda gumonlangan «Xorazm hududiy elektr tarmoqlari» sobiq bosh direktori Muratbay Bazarimbetovga nisbatan sud 8 yilga ozodlikdan mahrum qilish jazosini tayinladi. Avvalroq, u tadbirkordan gaz stansiyasini elektr tarmog‘iga ulash uchun 15 ming dollar olgani aytilgandi. Uning sherigiga esa 6 yil qamoq jazosi berildi.
UzAuto Motors yangi Chevrolet Equinox narxlarini ma’lum qildi
UzAuto Motors Chevrolet Equinox 2022 yilgi modelining narxni 250 mln so‘mdan 391 mln so‘mgacha etib belgiladi. Kompaniyaning ishontirishicha, yangi Equinox avtomobilining afzalligi uning gibrid tizimi hisoblanadi.
O‘zbekiston fuqarolari Ukraina-Rossiya chegarasini noqonuniy kesib o‘tishga urindi
Rossiyaga kirishga taqiq qo‘yilgan besh nafar O‘zbekiston fuqarolari Lugansk viloyatida Ukraina-Rossiya chegarasini noqonuniy kesib o‘tishga uringan vaqtda qo‘lga olindi.
O‘zbekistonda yangi universitet ochildi
Toshkent amaliy fanlar universitetiga hujjatlarni onlayn tarzda topshirishingiz mumkin. Ta’lim kunduzgi va sirtqi shakllarda mavjud.
Endi xorijga chiqishga taqiqni telefon orqali aniqlash mumkin
Bolalar bog‘chasiga navbatga qo‘yish, ijro holati bo‘yicha qarzdorlikni, kadastr obyektiga va xorijga chiqishga taqiqni aniqlash, tadbirkorlar ma’lumotlarini avtomatik tarzda, mobil qurilmadagi USSD so‘rovi yordamida olish imkoniyati yaratildi.
Surxondaryoda paleolit davriga oid yangi yodgorlik topildi
Milliy arxeologiya markazi xodimlari Surxondaryo viloyati Sherobod tumanidagi Ko‘xitang tog‘ida o‘rta paleolit davriga oid yangi yodgorlikni aniqladi.
Bayram kunlari havo iliq bo‘ladi — O‘zgidromet
O‘zbekistonliklar yangi yilni yog‘ingarchiliksiz, iliq ob-havoda kutib oladi. Faqat 4 yanvar kuni yomg‘ir yog‘ishi kutilmoqda, shu kuni qor faqat tog‘li hududlarda yog‘adi. Umuman olganda, O‘zgidromet xabariga ko‘ra, O‘zbekistonda Yangi yilda qor yog‘ishi kam uchraydigan holat. 31 dekabrda yog‘ingarchilik o‘rtacha 4−5 yilda bir marta, 1 yanvarda esa 2−3 yilda bir marta kuzatiladi.
DNSSEC texnologiyasi bilan yangi yilni veb-sayt haqida qayg‘urmasdan kutib olish mumkin
UZINFOCOM veb-sayt foydalanuvchilarining shaxsiy ma’lumotlarini himoya qiladigan DNSSEC texnologiyasini o‘rnatishni taklif qiladi.
Niqob taqish majburiyati bekor qilinmagan — IIV
Ijtimoiy tarmoqlarda YPX xodimi 1 noyabrdan niqob taqish bekor qilinganligini aytgan video tarqaldi. Ichki ishlar vazirligi «Gazeta.uz»ga tibbiy niqob taqish majburiyati bekor qilinmaganligini ma’lum qildi. Xodimning harakatlariga huquqiy baho beriladi.
Nukusda muz o‘rtasida qolib ketgan ikki bola qutqarib olindi — video
Chorshanba kuni Nukusdagi «Qosko‘l» drenaj ko‘liga o‘ynashga chiqqan ikki nafar 11 yoshli bola muz yorilishi natijasida suvga tushib ketgan. Ërdam kelgunicha, ular muzning qalinroq qismiga chiqib olishgan. Qoraqalpog‘iston FVB xodimlari ularni qutqarib, tibbiy yordam ko‘rsatishgan (video).
Yangi yilda o‘zbekistonliklar eng ko‘p qanday sovg‘a kutishmoqda? «Gazeta.uz» so‘rovnomasi
«Gazeta.uz» o‘quvchilari orasida o‘tkazilgan so‘rovnoma natijalariga ko‘ra, aksariyat respondentlar Yangi yil bayrami sovg‘asi sifatida kitoblar va pulni ma’qul ko‘rishadi. Bayram kayfiyatining asosiy manbai esa oila davrasida, deb bilishadi. Shuningdek, respondentlarning har uchtadan bittasi 2022 yilda pandemiya nihoyasiga yetishini istaydi.
O‘zbekistonda yarim yildan beri ilk marta koronavirusdan o‘lim qayd etilmadi
29 dekabr kuni oxirgi 6 oy ichida birinchi marotaba koronavirusdan o‘lim holati qayd etilmadi. Kasallik yuqtirganlar soni esa yana 100 nafardan oshib ketdi.
So‘rov: 82% o‘zbekistonliklar 2022 yilni «xursandchilik, ko‘tarinki kayfiyat»da kutib olishmoqda
«Ijtimoiy fikr» so‘rovi natijalariga ko‘ra, qariyb 82% o‘zbekistonliklar Yangi yilni «xursandchilik, ko‘tarinki kayfiyat» bilan kutib olishmoqda. Ko‘pchilik 2022 yildan faqat ro‘shnolik va yaxshilikni kutmoqda.
Shaxmatchi Javohir Sindarov top-5 talikka kirdi. Jahon chempionatining birinchi kun natijalari
O‘zbekistonlik shaxmatchi Javohir Sindarov blits yo‘nalishi bo‘yicha jahon chempionatining birinchi kunida top-5 talikka kirdi. 16 yoshli sportchi 12 turning birida dunyoning to‘qqizinchi raqamli shaxmatchisini mag‘lub etdi. Nodirbek Abdusattorov, Jahongir Vohidov, Shamsiddin Vohidovlar hozircha yetakchilardan ortda qolmoqda.
29 dekabr kuni O‘zbekistonda sodir bo‘lgan eng muhim xabarlar dayjesti
7,5 yilga qamalgan Jizzax viloyati hokimining sobiq o‘rinbosari, tezkor shaxmat bo‘yicha jahon chempioni bo‘lgan 17 yoshli Nodirbek Abdusattorov, 477,9 mln so‘mlik KIA Sorento xaridini bekor qilgan Sirdaryo hokimligi, 40 kishiga OITS yuqtirgan buxorolik ayol, bayram kunlari ish vaqti uzaytirilgan jamoat transporti, O‘zbekistonda quriladigan AES va boshqa xabarlar — «Gazeta.uz» ning 29 dekabrdagi eng muhim xabarlari dayjestida.
Afg‘onistonga elektr yetkazib berishning qisqarishi EULdagi ta’mirlash bilan bog‘liq — Energetika vazirligi
Energetika vazirligi O‘zbekistondagi texnik muammolar tufayli Afg‘onistonning 15 provinsiyasi, jumladan, Kobulda elektr ta’minotida uzilishlar kuzatilgani haqidagi xabarlarga izoh berdi.
Suv hisoblagichlarini o‘rnatish xarajatlari iste’molchilar bo‘ynida qoldi
Qonunchilik palatasi «Ichimlik suvi ta’minoti va oqava suvlarni chiqarish to‘g‘risida»gi qonunni ma’qulladi. Deputat Rasul Kusherbayev «yangi O‘zbekistonda suv ta’minoti masalasi eskiligicha qolayotganini» aytdi. Uning so‘zlariga ko‘ra, iste’molchi «suv hisoblagichini o‘zi sotib oladi, hisobini o‘zi yuritadi va ko‘rsatkichlarni o‘zi tekshiradi». «O‘zsuvta’minot» korxonasi rahbari Sohib Saifnazarovning aytishicha, korxona o‘z hisobidan hisoblagichlarni o‘rnatishga tayyor, ammo keyin «barcha xarajatlarni tariflarga qo‘shishga to‘g‘ri keladi».
Qiynoq qurbonlariga tovon to‘lash taklif qilindi
Deputatlar qiynoqlardan jabrlanganlarga tovon puli to‘lashni nazarda tutuvchi Fuqarolik kodeksiga o‘zgartirishlar kiritish to‘g‘risidagi qonun loyihasini birinchi o‘qishda ma’qulladi. Inson huquqlari bo‘yicha Milliy markaz rahbarining birinchi o‘rinbosari mazkur hujjat BMT Qo‘mitasi va maxsus ma’ruzachisi tavsiyalarini inobatga olgan holda, shuningdek, O‘zbekiston obro‘siga putur yetkazuvchi va uning manfaatlariga ta’sir etuvchi qiynoq holatlari, GSP+ bo‘yicha majburiyatlar hamda boshqa omillar tufayli qabul qilinishi zarur ekanligini ta’kidladi.
1 yanvardan nimalar o‘zgaradi?
Xorijiy tillardan milliy va xalqaro sertifikatlarga ega xodimlarga qo‘shimcha ustama to‘lanishi, YATTlarning ijtimoiy soliq stavkasi ikki baravarga kamaytirilishi, 15 turdagi ma’lumot va hujjat aholidan talab qilinmasligi, chek bermasdan tovar sotganlar haqida xabar berganlarning mukofotlanishi, tugallanmagan qurilishni moliyalashtirish to‘xtatilishi, avtomobilni notarius tasdig‘isiz ijaraga berish mumkinligi va metro poyezdlari harakatini ko‘rsatuvchi mobil ilova ishga tushirilishi va boshqalar — 1 yanvardan nimalar o‘zgaradi?
Eng ko‘p o‘qilgan xabarlar | So‘nggi yangiliklar
- “Saidaziz medgorodok” sudi: Advokatlar sudlanuvchilarni “Toshturma”ga o‘tkazish bo‘yicha iltimosnoma kiritdi
- Toshkent dunyodagi eng ko‘p mozaikaga ega shahar sifatida Ginnesning rekordlar kitobiga kiritilishi mumkin
- Qurbon hayiti namozining o‘qilish vaqtlari e’lon qilindi
- O‘zbekistonda bir oyda kriptovalyuta savdosi bilan noqonuniy shug‘ullangan kamida 12 kishi javobgarlikka tortildi
Qo‘shimcha imkoniyatlarga ega bulish uchun saytda ro‘yxatdan o‘ting