Anomal sovuq kunlarda O‘zbekistondagi suv havzalari, ko‘l va sharsharalar muzlab qoldi. Ularning nafaqat doimiy ko‘rinishi, balki muzlagan holati ham alohida jozibador. «Gazeta.uz» ana shunday tasvirlarni jamladi.
Anomal sovuq munosabati bilan Toshkent hokimligi ehtiyojmand oilalar, uy-joy kommunal, obodonlashtirish va YHXX xodimlariga poytaxtning qator joylarida bepul osh tarqatilishi haqida e’lon qilgan edi. «Gazeta.uz» muxbirlari ana shunday joylarda bo‘lib, aholi va rasmiylar bilan suhbatlashdi — fotoreportaj.
Eski shaharning “Xast Imom” mahallasi poytaxtdagi eng ko‘hna uylar joylashgan hududlardan. Bu yerda somon-suvoq uylarni, ba’zi xonadonlarda cho‘yan pechlarni uchratish mumkin. Sovuqlar boshlangach, “Xast Imom"da gaz bosimi pasaydi. Aholi qahratonni qanday o‘tkazyapti — Madina A’zamning fotoreportaji shu haqda.
Qor — mintaqaga muammolar keltirganiga qaramay, bolalar xotirasida quvonchli onlar sifatida qoldi. Tashqari sovuq, lekin ular hovlilarda qordan odam yasab, qorbo‘ronlar o‘ynashdi. Ko‘pdan beri ishlatilmagan chanalarda uchishdi. «Gazeta.uz» sovuqdan qizargan yonoqlar va quvonchli tabassumlarni kameraga muhrladi.
O‘zbekiston poytaxti yana oppoq bo‘ldi — 9 yanvar oqshomida boshlangan qor salkam 15 soatdan beri to‘xtagani yo‘q. Bu safar rasmiylar ham, aholi ham qor bo‘roniga oldindan nisbatan yaxshiroq tayyorgarlik ko‘rishga ulgurdi. «Gazeta.uz» muxbirlari Toshkentning qor bo‘ronidagi manzaralarini fotosuratlarga muhrladi
Huvillagan ko‘chalar, ishlayotgan jamoat transporti va shaharni tozalash ishlari. “Gazeta.uz” muxbiri Iskandar Mirzaahmedov Toshkentning 2023-yildagi ilk tongini tasvirlarga muhrladi.
Blekaut, Ukrainadan evakuatsiya qilingan o‘zbekistonliklar, Rossiyadan relokantlar tashrifi, Nukus voqealari, SHHT sammiti, energo inqiroz va shamollashga qarshi doridan o‘lgan 20 nafar bola. “Gazeta.uz” o‘tgan yili O‘zbekistonda sodir bo‘lgan eng muhim voqealarni aks ettiruvchi suratlarni bir materialga jamladi.
Respublikada 19 nafar bola «Dok-1 Maks» siropini ichib vafot etgandi. Hozirda Respublika shoshilich tibbiy yordam ilmiy markazi reanimatsiya bo‘limida yana 10 nafarga yaqin bola shamollash asoratlari bilan yotibdi. Ular faqat «Dok-1 Maks» emas, balki «Sinepar Kid», «Ambronol» kabi dorilarni ham qabul qilgan.
Comedy Wildlife Photography Awards 2022 yilgi g‘oliblarni e’lon qildi. Eng yaxshi surat daraxtdan qulayotgan sher bolasining surati bo‘ldi.
O‘zbekiston — shiorlar mamlakati. Ular butun hayotimiz davomida hamrohlik qiladi. Biz ularni sezmasligimiz va ma’nosi haqida fikr yuritib ko‘rmasligimiz mumkin, lekin ular, xohlaymizmi yoki yo‘q, hammaning xotirasida muhrlangan. «Gazeta.uz» jurnalistlari mamlakatning turli nuqtalaridagi shiorlarni to‘pladi.
Poytaxt bu yilgi qish mavsumida ilk bor oppoq choyshab bilan qoplandi. Bolalar xursandchiligidan tashqari qor piyodalar va mashinalar harakati, shuningdek, gaz va issiqlik ta’minoti bilan bog‘liq muammolarga sabab bo‘ldi. «Gazeta.uz» muxbirlari Toshkentning qor bo‘ronidagi manzaralarini fotosuratlarga muhrladi.
Nukus voqealari bo‘yicha sud jarayonining uchinchi kuni. Sudlanuvchilarning deyarli barchasi iyul boshida bo‘lgan voqelarda Dauletmurat Tajimuratov aybdorligi, uning video murojaatlari odamlarni ko‘chaga chiqarganini ta’kidlashmoqda. «Gazeta.uz» sud jarayonidan fotoreportaj tayyorladi.
Yangihayot tumanidagi zavodlarning birida 297,4 mln so‘mlik 34,2 ming quti kontrabanda tamaki mahsulotlari yoqib yuborildi. Bojxona qo‘mitasi noqonuniy olib kirish holatlari ko‘proq vodiy viloyatlarida uchrashini ma’lum qildi. Yil boshidan beri 19,2 mlrd so‘mlik tamaki mahsulotlari olib qo‘yildi.
Yakshanba tongida Qozog‘istonda navbatdan tashqari prezident saylovi boshlandi. Ilk saylov uchastkasi Tokioda ochildi, ovoz berish jarayonlari oxirgi bo‘lib San-Fransiskoda tugaydi. «Gazeta.uz» muxbiri poytaxt Ostona va Akmola viloyatidagi saylov uchastkalaridan fotoreportaj tayyorladi.
Metro bekatlari yaqinidagi veloturargohlar xavfli degan qarashlar bor. Bekatlarda velosipedlarini qoldirib, o‘z manziliga metroda yetib oluvchilarning turargohlar haqidagi fikrlari — «Gazeta.uz» muxbiri Madina A’zam fotoreportajida.
Turkiy davlatlar tashkiloti sammitining asosiy tadbiridan so‘ng, O‘zbekiston, Turkiya, Ozarbayjon, Qozog‘iston, Qirg‘iziston, Vengriya va Turkmaniston yetakchilari Registon maydonida daraxt ekishdi. Shu kunning o‘zida O‘zbekistonda 2,5 mln tup, qolaversa, Ozarbayjonda 111 ming tup daraxt ekish ko‘zda tutilgan.
5−6 noyabr kunlari to‘rtinchi Samarkand marathon bo‘lib o‘tdi. Bu safar «Gazeta.uz» marafonga tayyorgarlik jarayoni va g‘olib bo‘lganlar haqidagi ma’lumotlar o‘rniga, unda ishtirok etganlarning hayot tarzi, umrining har bir soniyasidan qanday rohatlanib yashayotgani aks etgan suratlarni taqdim etadi.
Yomg‘ir, sarg‘ish-qizil tusli barglar, chimlar ustida qaynoq qahva ichib, kitob o‘qiyotganlar yoki oilasi bilan sayr qilib yurganlar — har yili kuz faslida Toshkent o‘zgacha go‘zallikka burkanadi. «Gazeta.uz» muxbirlari poytaxtdagi oltin kuz faslini fotokameralari obyektiviga muhrlashdi.
Poytaxtda «O‘zbekiston: Markaziy Osiyo bo‘ylab zamonlar osha sayohat» filmining premerasi bo‘lib o‘tdi. O‘zbekistonning beshta hududida suratga olingan kinokartina arxeolog va tarixchilar tadqiq etishi uchun katta ahamiyatga ega favqulodda g‘ayrioddiy yurtlar tarixi hikoya qilinadi.
«Birinchi osmon yorishdi, keyin yer qimirlab, kuchli portlash ovozi eshitildi». Sirdaryodagi harbiy omborxona yaqinida yashovchi aholi shanba tongini shunday xavotir ila kutib oldi. Zararlarni davlat qoplab berishi aytilmoqda. «Gazeta.uz» muxbirlari voqea joyidan fotoreportaj tayyorladi.
Qo‘shimcha imkoniyatlarga ega bulish uchun saytda ro‘yxatdan o‘ting