Yengil vaznda o‘zbekistonlik sobiq jahon chempioni Murodjon Ahmadaliyev (12−1, 9 KO) 17-dekabr kuni Glendeylda (AQSh) bo‘lib o‘tgan jang yakunlari bo‘yicha ushbu vaznda WBA yo‘nalishi bo‘yicha chempionlik unvoni uchun majburiy da’vogarga aylandi.
Uning raqibi 26 yoshli meksikalik Kevin Gonsales (26−1−1, 13 KO) bo‘ldi, u ilgari hech qachon mag‘lub bo‘lmagandi.
Jangni teng ravishda boshlagan 29 yoshli o‘zbekistonlik jangchi tashabbusni o‘z qo‘liga oldi va oltinchi raundda raqibini ikki marta nokdaunga uchratdi, shundan so‘ng bosimni davom ettirdi. Gonsales murabbiyining jangni to‘xtatish taklifini rad etdi, biroq sakkizinchi raund yakunida yana nokdaunga uchradi, keyin yana bir marta o‘tkazib yuborilgan og‘ir zarbadan so‘ng hakam sanoqni boshlamay jangni to‘xtatdi.
Ushbu g‘alaba evaziga Ahmadaliev 26-dekabrga belgilangan Naoya Inoue va Marlon Tapales o‘rtasidagi mutlaq jahon chempioni nomi uchun jang g‘olibi uchun WBA versiyasi bo‘yicha majburiy da’vogarga aylandi. O‘zbekistonlik jangchi aprel oyida WBA va IBF chempionlik unvonini boy bergandi.
Video
Foto
