11 ноябрь куни тонгда Қамчиқ довонида юк автомобилида ёнғин юз берди.
«Қамчиқавтойўл»нинг маълум қилишича, М-39 йўлининг Гулистон-Бўка-Ангрен-Қўқон ва Андижон орқали Ўш йўналиши 222-километрида юк машинаси ёнган.
Соат 07:55 да ушбу йўналишда автотранспортлар ҳаракати вақтинча тўхтатилган.
Бу орада ёнғинни ўчириш ишлари амалга оширилиб, водий-Тошкент йўналиши соат 08:44 да автотранспортлар ҳаракати учун очилган.
Қайд этилишича, ёнғин оқибатда ҳеч ким жабрланмаган. Автомобилга етган зарар кўлами ҳақида маълумот ҳозирча йўқ.
