Ўн ой давомида Ўзбекистонга 22,49 мингта электромобиль олиб кирилди, деб хабар бермоқда Божхона қўмитаси матбуот хизмати.
Импорт 2022 йилнинг шу даврига (3679 та автомобиль) нисбатан 6,1 баробар ошиб, етказиб бериш ҳажми 582,3 миллион долларга етди. Статистика агентлигининг ўтган йилнинг шу даврига оид статистик маълумотлари билан солиштирилганда етказиб бериш деярли 13 баробарга ошганини кўриш мумкин (55,4 миллион долларга 1749 та электромобиль).
Ўтган уч ойда (август-октябрь) Ўзбекистонга 365,3 миллион долларлик 15,1 минг дона электромобиль импорт қилинди.
Хитой электромобиллар экспорти бўйича биринчи ўринни сақлаб қолди — 10 ой давомида 20,64 мингта электромобиль (91,7 фоиз) етказиб берилди, улардан 13,74 мингтаси сўнгги уч ойнинг ўзида импорт қилинган.
Иккинчи ўринни 1258 та машина (5,6 фоиз) билан Гонконг эгаллаган. Кейинги ўринларда БАА (147 та машина), Жанубий Корея (136), АҚШ (134) ва Германия (125) қайд этилган.
