Тошкентнинг Учтепа туманида уч нафар қурувчини оқова сувлари учун мўлжалланган чуқурлик қазиш вақтида тупроқ босиб қолгани хабар берилганди. Туман ҳокимлиги улардан 2 нафари вафот этганини билдирди.
Учтепа туман ҳокимининг ўринбосари Азиз Наимовнинг маълум қилишича, коллектор қурилишида (котлован қазиш вақтида) «Шафоат» масъулияти чекланган жамиятнинг 5 нафар ходими ишлаётган бўлган.
Аммо тупроқ кўчиши оқибатида 2 нафар ходим вафот этган. 1 нафар ходим айни дамда касалхонада, қолган 2 нафар ишчиларнинг аҳволи қониқарли баҳоланмоқда.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
Айни дамда туман Ички ишлар бўлими ва бошқа ҳуқуқни муҳофаза этувчи идоралар томонидан суриштирув ишлари олиб борилмоқда, дейилади хабарда.
