Швейцариянинг Цюрих шаҳрида 17 ёшгача бўлган футболчилар ўртасидаги Жаҳон чемпионати гуруҳ босқичига қуръа ташлаш маросими бўлиб ўтди. Маросимда собиқ бразилиялик дарвозабон Жулио Сезар иштирок этди.
Қуръа натижасига кўра, Ўзбекистон ўсмирлари «Б» гуруҳидан жой олди. Гуруҳда уларга Испания, Канада ва Мали ўсмирлари рақиб бўлди. Ўзбекистонлик футболчилар Жаҳон чемпионатидаги иштирокини 10 ноябрь куни Малига қарши учрашув билан бошлайдиган бўлди. Гуруҳ босқичида 1- ва 2-ўринни олган, шунингдек, 3-ўринни олган энг яхши 4 та жамоа нимчорак финалга чиқади.
Эслатиб ўтамиз, ўсмирлар ўртасидаги мундиал 2023 йилнинг 10 ноябридан 2 декабрига қадар Индонезияда ўтказилади.
Қуйида қуръанинг якуний натижаси билан танишишингиз мумкин.
