Футбол бўйича Ўзбекистон миллий терма жамоаси ўртоқлик учрашувида АҚШга имкониятни бой берди. Тошкент вақти билан 10 сентябрь куни Американинг Сент-Луис шаҳридаги «Ситипарк» стадионида бўлиб ўтган учрашув 3:0 ҳисобида якунланди.
«Ювентус» ҳужумчиси Тимоти Веа 4-дақиқада ҳисобни очди. Иккинчи бўлимнинг қўшиб берилган вақтида яна иккита гол киритилди. PSV ҳужумчиси Рикардо Пепи 90+1-дақиқада гол урди, «Милан» вингери Кристиан Пулишич эса 90+4-дақиқада пенальтини голга айлантирди.
Ўзбекистон терма жамоаси 13-центабр куни соат Тошкент вақти билан 4:30 да Атлантада Мексика билан ўртоқлик учрашуви ўтказиш учун АҚШда қолади.
Ноябрь ойида Сречко Катанец бошчилигидаги миллий терма жамоа ЖЧ-2026 саралаш турнирининг дастлабки ўйинларини ўтказади.
Видео
Фото
