Республика шошилинч тиббий ёрдам илмий маркази (РШТЁИМ) Наманган филиали директори Хамидулло Устабаев 8 сентябрь куни вафот этди. Бу ҳақда «Газета.uz»га вилоят Соғлиқни сақлаш бошқармаси ахборот хизмати хабар берди.
Устабаев 1973 йилда вилоятнинг Янгиқўрғон туманида туғилган. 2019−2020 йилларда РШТЁИМ Наманган филиали бош шифокори ўринбосари, 2020−2023 йилларда филиал бош шифокори бўлиб ишлаган.
2023 йилдан эса филиал директори вазифасида ишлаб келаётганди.
Бошқарманинг аниқлик киритишича, унинг ўлимига ўткир юрак-қон томир етишмовчилиги сабаб бўлган.
