7 сентябрдан Uzbekistan Airways Тошкент шаҳридан Жиззах вилоятининг Зомин туманига мунтазам қатновларни йўлга қўйди, дея хабар бермоқда компания матбуот хизмати.
HY1003/1004 қатновлари ҳар куни қуйидаги йўналишларда амалга оширилади:
- Тошкент−Зомин−Самарқанд;
- Самарқанд−Зомин−Тошкент.
Бир томонлама авиачипта нархи 105 000 сўмдан бошланади. Авиачипталарни uzairways.com расмий сайти, UzAirways иловаси орқали, шунингдек Uzbekistan Airways Sales филиалида харид қилиш мумкин.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
Эслатиб ўтамиз, Зомин туманидаги аэропорт 1 сентябрь куни фойдаланишга топширилган. Аэропортнинг йўловчи терминали 30 кишига мўлжалланган. Унинг ҳудуди 60 гектарни ташкил этади. Илгари LET L-410 Зоминга тупроқли йўл орқали парвозни амалга оширган. Сўнгра асфальтдан учиш-қўниш йўлаги қурилган.
