3 сентябрь санасида «Бир ватанда, бир вақтда, бир масофага, бир мақсадда — бирга югурамиз» шиори остида Тошкент, Самарқанд, Жиззах, Навоий, Бухоро, Қоровулбозор, Қарши, Ғузор, Термиз, Гулистон, Нурафшон, Андижон, Наманган, Фарғона, Хива ва Нукус шаҳарлари Ўзбекистон мустақиллигининг 32 йиллигини нишонлашга бағишланган Yangi Nafas оммавий югуриш мусобақасига қўшилдилар.
Шу куни ҳар бир ҳудуд ва Қорақалпоғистон Республикасида 100 мингга яқин ҳаваскор югурувчилар мамлакатнинг асосий байрамини шаҳарларнинг марказий кўчалари бўйлаб ўтган оммавий югуриш мусобақасида иштирок этиш орқали нишонлади. Тошкентда Yangi Nafas шаҳар оммавий югуриш мусобақалари бўлиб ўтадиган жойда — Humo Arena спорт майдонининг ҳудудида ўтказилди. Тошкентдаги оммавий югуриш мусобақасига 7000 дан зиёд иштирокчи қўшилди, улар орасида Тошкентнинг 50 та олийгоҳидан 3000 га яқин талабалар ҳам иштирок этишди.
Тадбир ташкилотчилари сифатида Ўзбекистон Ёшлар сиёсати ва спорт вазирлиги, Олий таълим, фан ва инновациялар вазирлиги, Мудофаа вазирлиги, Ички ишлар вазирлиги, Фавқулодда вазиятлар вазирлиги, Ўзбекистон миллий олимпия қўмитаси, Ёшлар ишлари агентлиги, иштирокчи шаҳарларнинг ҳокимликлари, «Ўзбекнефтгаз» акциядорлик жамияти ҳамда Енгил атлетика федерацияси иштирок этди.
Тошкентдаги оммавий югуриш мусобақаси дастурига 3 ва 10 км масофалик иккита дистанция киритилди. Қолган шаҳарлар учун — Yangi Nafas спорт ҳаракатининг ягона рамзий масофаси — 3 км ни ташкил қилди.
Yangi Nafas спорт халқаро оммавий югуриш мусобақаларида, фуқаролигидан қатъи назар, истаган барча иштирок этиши мумкин. 30 та чет эл давлатларининг вакиллари ушбу кенг кўламли спорт байрамига қўшилди. Қозоғистон, Тожикистон, Қирғизистон ва Туркманистон спорт югуриш клубларидан тахминан 400 нафар иштирокчи Yangi Nafas оммавий югуриш мусобақасини қўллаб-қувватлаш мақсадида ташриф буюрдилар. Тошкент шаҳрида ўтказилган тадбирнинг очилиш маросимида Ўзбекистон Олий таълим, фан ва инновациялар вазири Иброҳим Абдураҳмонов табрик сўзи билан чиқиб, барча иштирокчиларни Ўзбекистон мустақиллиги куни билан табриклади ва давлатнинг асосий саналарига бағишлаб Yangi Nafas спорт оммавий югуриш мусобақаларининг ўтказилиши яхши бир анъанага айланиб қолганини белгилаб ўтди. Республиканинг ҳар бир фуқароси қўшилиши мумкин бўлган Yangi Nafas спорт ҳаракати, руҳ иродаси, ватанпарварлик туйғуси ва бутун мамлакат билан ҳамжиҳатлик бирлаштириладиган платформага айланди.
Шу билан бирга, Yangi Nafas оммавий югуриш мусобақаси очилишида Ўзбекистон президенти қошидаги Хавфсизлик Кенгаши котиби Виктор Маҳмудов, Ёшлар сиёсати ва спорт вазири Адҳам Икромов ва Ўзбекистон Бош вазири ўринбосари Зулайҳо Баҳриддиновна сўзга чиқишди.
Оммавий югуриш мусобақалари ўтказилиб келинаётган уч йил давомида 700 мингдан ортиқ иштирокчи Yangi Nafas спорт ҳаракатининг байроғи остида бирлашиб, унинг асосий мақсади миллат саломатлигини мустаҳкамлаштириш ва соғлом турмуш тарзини оммалаштириш ҳисобланади. Ушбу муносабат билан, ҳудудлар доирасида ҳам оммавий спортга ва енгил атлетикага бўлган қизиқиш янада ортиб бормоқда. Yangi Nafas оммавий югуриш мусобақасини ўтказишга тайёргарлик кўриш доирасида Фарғона водийси ва Самарқандда пресс-анжуманлар ўтказилган бўлиб, бунда кенг кўламли тадбирни ўтказишга тайёргарлик кўриш масалалари муҳокама қилинди.
Yangi Nafas оммавий югуриш мусобақаси давомида Sport TV телеканалида Тошкентдаги Humo Arena майдони ҳудудида иштирокчи-шаҳарлардан спорт тадбири жараёнларининг жонли эфирлари ташкил қилинди.
Yangi Nafas гўлиблари учун ташкилотчилар томонидан пулли мукофот фонди ва оммавий югуриш мусобақасининг рамзи туширилган эсдалик совғалари топширилди. Мусобақа ғолиб ва совриндорларини тантанали тақдирлаш учун Milliy Bog‘ сайилгоҳида махсус тантанали оқшом ташкил этилди.
Реклама ҳуқуқлари асосида.
