28 август куни маҳаллий вақт билан соат 18:50 да Azur Air авиакомпаниясининг Пхукет — Москва йўналиши бўйича ZF4002 рейсини амалга ошираётган самолёти Тошкентга фавқулодда келиб қўнди, дея хабар бермоқда Uzbekistan Airports матбуот хизмати.
Ҳолатга 1994 йилда туғилган Россия фуқаросининг соғлиғи ёмонлашгани сабаб бўлган. Шундан сўнг экипаж муқобил аэродромга ўтишга қарор қилган. Аэропортга қўнгач, йўловчи тиббий муассасага ётқизилган.
Тошкент вақти билан соат 21:04 да самолёт бортида 336 нафар йўловчи билан Москвага жўнаб кетган.
