Иорданияда спорт курашлари бўйича ёшлар ўртасидаги жаҳон чемпионати ўтказилмоқда. Унда 19 ёшли ўзбекистонлик эркин курашчи Нодирбек Жуманазаров бронза медалини қўлга киритди.
У 1/8 финалда япониялик рақибига имкониятни бой берди. Қайта тиклаш баҳсларида қирғизистонлик рақибидан устун келди. Сўнг учинчи ўрин учун кечган беллашувда ҳиндистонлик Сагар Сагарга қарши гиламга чиқди ва рақибни 10:0 ҳисобида мағлубиятга учратди. Унинг сўнгги жанги акс этган лавҳани ушбу ҳавола орқали кўриш мумкин.
Натижаларга кўра, унинг дастлабки рақиби япониялик Юто Нишиучи биринчи, америкалик Люк Жозеп иккинчи ўринни эгаллади, арманистонлик Эдик Ҳарутюнян ва Нодиржон Жуманазаров учинчи ўрин сифатида совриндорлар қаторидан жой олди.
Эслатиб ўтамиз, бу унинг жаҳон чемпионатидаги илк соврини эмас, у 2021 йил Венгриянинг Будапешт шаҳрида ўтган спорт курашлари бўйича ўсмирлар ўртасидаги Жаҳон чемпионатида кумуш медалга эга чиққанди.
