Аввалроқ «Газета.uz» президент 12 нафар ҳоким, шунингдек, бир қатор мансабдор шахслар ва давлат корхоналари раҳбарларини лавозимидан озод этгани ҳақида ёзганди. Президент матбуот хизмати давлат раҳбарининг нутқи акс этган видеони эълон қилди, унда у ишдан олиш сабабларини тушунтирган.
«Қандай машаққат билан чет давлатга бориб, банклар, тадбиркорлар билан учрашаман, катта-катта лойиҳаларни келишаман. Лекин, менинг вакилларим бўлган одамлар ухлаб ўтирибди, мудраб ўтирибди», — деди Шавкат Мирзиёев.
Абдураҳмон Абдувалиев, Соҳиб Саифназаров ва Ҳуснутдин Хосилов.
Президент автомобиль йўллари қўмитаси, «Ўзбекистон темир йўллари» ва «Ўзсувтаъминот» раҳбарлари, сув хўжалиги ва транспорт вазирлари ўринбосарлари ишдан олинганини эълон қилар экан, «Хиёнат қилганга ўрин йўқ», деди.
Шунингдек, президент «Ўзтўқимачиликсаноат», «Иссиқлик электр станциялари» ва «Ўзсаноатқурилишбанк» раисларига «ҳайфсан» берди.
«Охирги ҳайфсан буларга. Сўнгги огоҳлантириш. Агар уч ой ичида ўзгариш қилмаса, жавобгарликка тортилиб, барча зарар ва олинмаган фойда улардан ундириб олинади», — деди президент.
«Мен ишлаган, хато қилган одамни кечираман, лекин хиёнат қилган одамни ҳеч қачон кечирмайман», — деди давлат раҳбари
