Uzbekistan Airways авиакомпанияси Қурбон ҳайити муносабати билан маҳаллий йўналишларга байрам чегирмасини эълон қилди.
8 июндан бошлаб авиакомпаниянинг 28 июндан 2 июлгача амалга ошириладиган барча маҳаллий рейсларнинг авиачипталарига 50 фоизлик чегирма тақдим этилади.
Ҳозирча Қурбон ҳайитини нишонлашнинг эҳтимолий санаси 28 июнь экани тахмин қилинмоқда. Унинг аниқ санаси Мусулмонлар идораси томонидан эълон қилинади.
Президентнинг расмий саналарни нишонлаш даврида қўшимча ишланмайдиган кунларни белгилаш ва 2023 йилда дам олиш кунларини кўчириш тўғрисидаги фармонига кўра, барча ходимлар учун (иш ҳафтасининг туридан қатъи назар) 30 июнь — жума, олти кунлик иш ҳафтасида ишлайдиган ходимлар учун 1 июль — шанба қўшимча дам олиш куни этиб белгиланган.
