Футбол бўйича 20 ёшгача бўлган футболчилар (U-20) ўртасидаги жаҳон чемпионатининг 1/8 финал босқичида Ўзбекистон ёшлар терма жамоаси Исроил терма жамоасига қарши майдонга тушиб, 0:1 ҳисобида мағлуб бўлди.
31 май куни Аргентинадаги Мальвинас Архентинас стадионида бўлиб ўтган ўйиннинг биринчи бўлими тенг курашлар остида кечди. 8-дақиқада Шерзод Эсанов гол киритди, бироқ ҳакам ушбу вазиятда дарвозабонга нисбатан қўполлик ишлатилди, деб топди. Шундай қилиб, биринчи таймда ҳисоб очилмади.
Учрашувдаги ягона гол 90+7 дақиқада Анан Халаили томонидан киритилди.
Статистикага кўра, Ўзбекистон 39% тўпга эгалик қилди, Исроил дарвозасига 13 та зарба берилди, уларнинг 3 таси аниқ бўлди.
Исроил 3 июнда ¼ финалда Бразилия-Тунис ўйини ғолиби билан беллашади.
Фото
